1 Pedro 1:3 - Q'eqchi Bible

³ Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

Li Santil hu

³ Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

1 Pedro 1:3 ပူးပေါင်းရင်းမြစ်များ

1 Pedro 1:23

xb'aan naq yoob'tesinb'ilex xka' wahil moko rik'in ta li iyaj nakamk, rik'in b'an li ink'a' nakamk, a' li Raatin li Yos, yo'yo ut wank chi junelik.

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

2 Corintios 1:3

Usilaatinanb'ilaq taxaq li Yos ut xYuwa' li Qaawa' Jesukriist, xb'aan naq a'an li Yuwa'b'ej aj uxtaan ut li Yos q'axal aj k'ojob'anel ch'oolej.

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

1 Juan 2:29

Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Efesios 1:17

Nintz'aama chiru li xYos li Qaawa' Jesukriist, xYuwa' li nimajwal loq'al, naq tixk'e taxaq eena'leb' sa' xk'ab'a' li Musiq'ej ut tixk'ut rib' cheru re naq teenaw ru chi tz'aqal.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

1 Corintios 13:13

Anaqwan junelik xaqxookeb' li oxib' a'in: li paab'aal, li oyb'enink ut li rahok. Ab'an li q'axal nim xwankil sa' xyanqeb', a'an li rahok.

1 Juan 3:9

Yalaq ani yo'lajenaq rik'in li Yos ink'a' naxb'aanu li maak xb'aan naq li xyu'am li Yos wank rik'in; ut ink'a' naru namaakob'k, xb'aan naq yo'lajenaq rik'in li Yos.

1 Pedro 2:2

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

1 Ts 1:3

Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

Romanos 8:24

Yaal ajwi' naq ak kolb'ilo, ab'anan ka'ajwi' rik'in oyb'enink; ut li qoyb'enihom, wi na'ilmank ru, moko oyb'eniik ta chik naraj, xb'aan naq ani tab'i' naroyb'eni li k'aru na'ilmank ru?

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

Romanos 4:25

A'in kiq'axtesiik xb'aan li qamaak ut kiwaklesiik wi' chik chi yo'yo re xtiikob'resinkil li qach'ool.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Salmos 41:13

Laa'at tatk'ehoq xkawub' linch'ool xb'aan naq maak'a' inmaak; junelik tinaak'ul rub'el laawoq rub'el laawuq'.

1 Crónicas 29:20

Chirix chik a'an kixye laj David reheb' chixjunil li wankeb' sa' li nimla ch'utam: “Anaqwan chenima xloq'al li Qaawa' leeYos”, chan. Ut chixjunileb' ke'ok chi xloq'oninkil li Qaawa', xYos li xxe'toonil yuwa'eb', ke'wiq'laak ut ke'xhupub' rib' chiru li Qaawa' ut chiru li awab'ej.

1 Reyes 8:15

ut kixye: “Loq'oninb'ilaq taxaq li Qaawa', xYos laj Israel, li xb'aanu li kixyeechi'i re laj David linyuwa' naq kixye:

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

1 Ts 4:13

Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

Gálatas 6:16

Tuqtuukilal ut uxtaanal chiwanq taxaq rik'in chixjunileb' li te'paab'anq re li chaq'rab' a'in; jo'kanaq ajwi' rik'in chixjunil li x'Israel li Yos.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

1 Pedro 3:5

Jo'ka'in ke'xtiqib' chaq rib' eb' li santil ixq junxil: eb' a'an wankeb' chaq royb'enihom rik'in li Yos ut ke'paab'ank chiruheb' li xb'eelom,

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

2 Crónicas 31:8

Ut naq ke'k'ulunk laj Esekías ut eb' li xjolomileb' li tenamit re rilb'al jo'k'ihal li mayej kitub'laak, ke'xloq'oni ru li Qaawa' ut ke'xyoxi chiruheb' laj Israel li xtenamit.