1 Juan 5:7 - Q'eqchi Bible

⁷ Xb'aan naq oxib'eb' li testiiw:

Li Santil hu

⁷ Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

1 Juan 5:7 ပူးပေါင်းရင်းမြစ်များ

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Hechos 5:32

Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re.

San Juan 1:1

Sa' xtiklajik ak wan chaq li Aatin, ut li Aatin wan chaq rik'in li Yos, ut li Aatin a'an chaq Yos.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

1 Juan 5:6

A'an a'in li kik'ulunk rik'in ha' ut rik'in kik': a' li Jesukriist. Moko ka'aj ta wi' rik'in ha', rik'in b'an ha' ut kik'. Ut li nayehok naq yaal, a'an li Musiq'ej, xb'aan naq li Musiq'ej a'an li yaal.

San Juan 8:54

Kichaq'ok li Jesus ut kixye: —Wi ta laa'in ninnima inloq'al injunes wib', linloq'al maak'a' na'ok wi'. A' b'an linYuwa' naxnimob'resi inloq'al, a' li nekeye laa'ex: «A'an li qaYos»,

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

San Juan 10:30

Laa'in ut li Yuwa'b'ej juno ajwi' chiqib'il qib'.

Salmos 33:6

Xb'aan raatin li Qaawa' ki'uxk li choxa; rik'in li xmusiq' kiyoob'tesiik chixjunil li wank chisa'.

Deuteronomio 6:4

“Ab'i, Israel: li Qaawa', li qaYos, a'an jun ajwi' chi Qaawa'.

San Juan 5:26

Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib',

Apocalipsis 19:13

Li raq' wank chirix tz'ab'il sa' kik' ut li xk'ab'a' a'an: “Raatin li Yos”.

San Juan 12:28

At inYuwa', chanima xloq'al laak'ab'a'”. Toja' naq kichalk jun xyaab' kuxej sa' choxa: “Ak xinnima xloq'al ut tinnima wi' chik”, chan.

San Juan 8:18

Laa'in nin'aatinak chiwix injunes wib'; jo'kan ajwi' li Yuwa'b'ej li kitaqlank chaq we, na'aatinak chiwix.

San Mateo 18:16

Ab'an wi ink'a' nakatrab'i, k'am chaq junaq malaj wiib'aq aawochb'een re naq rik'in raatineb' wiib' malaj oxib' chi testiiw chich'olaaq ru chixjunil.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

1 Juan 5:8

li Musiq'ej, li ha' ut li kik', ut li oxib' a'in junaj ru neke'xye.