1 Juan 5:13 - Q'eqchi Bible

¹³ Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.

Li Santil hu

¹³ Xintzꞌi̱ba aꞌin chokꞌ e̱re la̱ex li nequexpa̱ban re li Ralal li Dios re nak la̱ex te̱nau nak cuan e̱yuꞌam chi junelic.

1 Juan 5:13 ပူးပေါင်းရင်းမြစ်များ

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

San Juan 1:12

A'ut chixjunileb' li ke'k'uluk re, kixk'e reheb' wank cho'q ralal xk'ajol li Yos, a'eb' li neke'paab'ank re:

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

San Juan 3:18

“Li napaab'ank re li Ralal li Yos, maak'a' tojb'amaak sa' xb'een. A'ut li ink'a' napaab'ank, ak raqb'il aatin sa' xb'een, xb'aan naq ink'a' xpaab' li Ralal li Yos jun chirib'il.

1 Juan 2:21

Moko xb'aan ta naq ink'a' nekenaw li yaal, naq nintz'iib'ak eerik'in. Laa'ex nekenaw li yaal ut maajun tik'ti' nachalk rik'in li yaal.

Gálatas 4:6

Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

1 Juan 1:4

Naqatz'iib'a a'in eerik'in re naq tz'aqalaq re ru li xsahil qach'ool.

1 Pedro 5:12

Laj Silvano xinxtenq'a chi xtz'iib'ankil li wib' oxib' chi aatin a'in; laa'in nink'oxla naq a'an jun was wiitz'in tiik xch'ool. Xintz'iib'ak eerik'in re xk'eeb'al eena'leb' jo' ajwi' re xch'olob'ankil cheru naq relik chi yaal naq a'an tz'aqal li xrahom li Yos. K'ehomaq eech'ool chi wank sa' li xrahom chi junelik.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

San Juan 2:23

Naq toj wankaq aran Jerusalén, sa' xninq'ehinkil li Paswa, naab'aleb' ke'paab'ank re xb'aan naq ke'ril li xninqal eetalil kixb'aanu.

1 Juan 2:26

Xintz'iib'a a'in eerik'in chirixeb' li neke'raj eeb'alaq'inkil.

Hechos 3:16

Xb'aan xpaab'ankil li Jesus xkawuuk li winq a'in li nekeril ut nekenaw ru: li qapaab'aal sa' xk'ab'a' li Jesus xk'irtasink re chi tz'aqal re ru cheru chejunilex.

San Juan 21:24

A'an a'in li tzolom li ki'aatinak chirix chixjunil a'in, ut kixtz'iib'a ajwi'. Ut laa'o naqanaw naq tz'aqal yaal li xch'olob'ahom.

San Juan 5:24

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

1 Juan 2:25

A'an a'in li kixyeechi'i qe li Kriist, a' li junelik yu'am.

1 Juan 4:9

A'in kik'utunk wi' qik'in li qaraab'al xb'aan li Yos: naq li Yos kixtaqla chaq li Ralal jun chirib'il sa' ruuchich'och' re naq wanq qayu'am sa' xk'ab'a' A'an.

1 Juan 5:11

Ut a'an a'in li xch'olob'ahom li Yos: naq xk'e qe li junelik yu'am ut li yu'am a'in wank rik'in li Ralal.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.