1 Juan 5:10 - Q'eqchi Bible

¹⁰ Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

Li Santil hu

¹⁰ Li ani napa̱ban re li Ralal li Dios, aꞌan naxnau tzꞌakal lix ya̱lal. Aꞌut li incꞌaꞌ napa̱ban re li Dios, naxqꞌue li Dios chokꞌ aj ticꞌtiꞌ xban nak incꞌaꞌ naxpa̱b lix ya̱lal li quixchꞌolob li Dios nak quixye re li Jesús: La̱at li cualal, chan.

1 Juan 5:10 ပူးပေါင်းရင်းမြစ်များ

Romanos 8:16

A' ajwi' li Musiq'ej rochb'een li qaanm naxch'olob' xyaalal naq ralalo li Yos.

Gálatas 4:6

Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

San Juan 5:38

chi moko xe'eninb'il ta li raatin sa' leech'ool, xb'aan naq ink'a' nekepaab' li kitaqlaak chaq xb'aan.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

1 Juan 1:10

Wi naqaye naq ink'a' xoomaakob'k, naqak'e li Yos cho'q aj tik'ti' ut li Raatin moko wank ta qik'in.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Colosenses 3:3

Xb'aan naq ak kamenaqex ut muqmu leeyu'am rochb'een li Kriist rik'in li Yos.

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

Apocalipsis 2:28

a' ajwi' li wankil ink'ulum laa'in rik'in linYuwa'; ut tink'e re li kaq chahim.

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Isaías 53:1

Ani xpaab'ank re li esil xqaye? Ani xk'ute' wi' li xnimal xwankil li Qaawa'?

Li xHu LAJ JOB 24:25

Ma wank tab'i' junaq li truuq tixye naq moko yaal ta li yookin xyeeb'al?

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

San Juan 3:18

“Li napaab'ank re li Ralal li Yos, maak'a' tojb'amaak sa' xb'een. A'ut li ink'a' napaab'ank, ak raqb'il aatin sa' xb'een, xb'aan naq ink'a' xpaab' li Ralal li Yos jun chirib'il.

Gálatas 4:1

Nawaj xyeeb'al a'in: naq toj kach'in li taa'eechaninq re li junkab'lal, us ta aj eechal re chixjunil, ab'an juntaq'eet sa' chixjunil rik'in junaq aj loq'b'il k'anjel.