1 Juan 3:8 - Q'eqchi Bible

⁸ Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Li Santil hu

⁸ Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

1 Juan 3:8 ပူးပေါင်းရင်းမြစ်များ

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

San Marcos 1:24

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xsantil Alal li Yos, chan.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

San Lucas 10:18

Kixye li Jesus reheb': —Xwil laj tza chi t'ane'k chaq toj sa' choxa chanchan li raq'kaaq.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

San Mateo 13:38

Li ch'och' a'an chixjunil li ruuchich'och'; li chaab'il iyaj a'aneb' li ralal xk'ajol li xnimajwal wankilal li choxa; li yib' aj pim a'aneb' li ralal xk'ajol li maa'us;

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

1 Juan 3:5

Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

San Mateo 4:3

Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

San Mateo 12:28

Ab'an, wi rik'in xMusiq' li Yos nawisiheb' laj tza, naraj naxye naq li xnimajwal awab'ejihom li Yos xol'elq eerik'in.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

Números 21:9

Laj Moisés kixyiib' jun li k'anti' rik'in q'anch'iich' ut kixtaqsi chi ru'uj jun che'. Ut wi junaq k'anti' naxtiw junaq winq ut a'an tixka'ya li k'anti' yiib'anb'il rik'in q'anch'iich', ink'a' nakamk.