1 Juan 3:6 - Q'eqchi Bible

⁶ Yalaq ani xtz'ejwalihom rib' rik'in, ink'a' chik namaakob'k; chixjunil li namaakob'k ink'a' rilom chi moko xnawom ru A'an.

Li Santil hu

⁶ Joꞌcan nak li ani cau xchꞌo̱l chixta̱kenquil li Cristo, incꞌaꞌ chic yo̱k chi ma̱cobc. Abanan li ani toj yo̱ chi ma̱cobc incꞌaꞌ naxnau li rusilal li Cristo ut incꞌaꞌ napa̱ban.

1 Juan 3:6 ပူးပေါင်းရင်းမြစ်များ

3 Juan 1:11

At inrahom, maak'am aawe rik'in li ink'a' us, chak'am b'an aawe rik'in li us. Ani nab'aanunk re li us, a'an re li Yos; ut li naxb'aanu li ink'a' us, moko rilom ta ru li Yos.

1 Juan 3:9

Yalaq ani yo'lajenaq rik'in li Yos ink'a' naxb'aanu li maak xb'aan naq li xyu'am li Yos wank rik'in; ut ink'a' naru namaakob'k, xb'aan naq yo'lajenaq rik'in li Yos.

1 Juan 2:4

Wi junaq nayehok: “Laa'in ninnaw ru”, ut wi ink'a' naxpaab' li xchaq'rab', a'an aj tik'ti' ut maak'a' li yaal rik'in.

1 Juan 4:8

Ani ink'a' narahok, ink'a' xnawom ru li Yos, xb'aan naq li Yos a'an rahok.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

1 Juan 2:28

Ut anaqwan, ex inkok'al, chexwanq rik'in li Kriist chi junelik re naq, jo'q'e tixk'ut rib', chiwanq xkawub' qach'ool ut ink'a' tooxutaanaq chiru, sa' li xk'ulunik.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

1 Juan 2:3

A'an a'in naqanaw wi' naq naqanaw ru li Yos, wi naqapaab' eb' li xchaq'rab'.