1 Juan 3:22 - Q'eqchi Bible

²² ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

Li Santil hu

²² Ut yalak cꞌaꞌru takatzꞌa̱ma chiru, tixqꞌue ke xban nak yo̱co chixpa̱banquil lix chakꞌrab ut nakaba̱nu li cꞌaꞌru nacuulac chiru li Dios.

1 Juan 3:22 ပူးပေါင်းရင်းမြစ်များ

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

San Juan 9:31

Laa'o naqanaw naq li Yos ink'a' narab'iheb' laj maak; ab'an wi junaq naxxiwa ru li Yos ut naxb'aanu li rajom, a'an na'ab'iik.

San Mateo 21:22

Ut chixjunil li k'aru teetz'aama sa' li tijok chi anchal eepaab'aal, teek'ul.

1 Juan 5:14

A'in wan wi' xkawub' qach'ool rik'in li Yos: naq A'an nokoorab'i wi wank k'aru tqatz'aama chiru jo' chanru naraj A'an.

San Marcos 11:24

Jo'kan utan ninye eere: chixjunil li teetz'aama sa' li tijok, chepaab' naq ak xek'ul, ut taak'eemanq eere.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

Proverbios 15:29

Li Qaawa' najt wank rik'ineb' li ink'a' useb' xna'leb'; ab'an naxk'ulub'a li xtijeb' li tiikeb' xch'ool.

Salmos 34:4

Qanimaaq ru li Qaawa' wochb'eenex, junxikikaqo chi xterq'usinkil li xk'ab'a'.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

San Juan 8:29

Ut li kitaqlank chaq we wank wik'in: ink'a' xinxkanab' injunes, xb'aan naq junelik ninb'aanu li nawulak chiru.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

San Juan 6:29

Kichaq'ok li Jesus ut kixye reheb': —Li k'anjel naraj li Yos, a'an: naq chepaab' li taqlanb'il chaq xb'aan.

Filipenses 4:18

Wank li k'aru we, re xq'axb'al li junjunq chi kutan, ut na'ela'ank ajwi'. Sa chik wankin rik'in li tenq'aal li xetaqla chaq we chirix laj Epafrodito: a'an sununkil b'ook ut chaab'il mayej li nawulak chiru li Yos.

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Salmos 10:17

At Qaawa', laa'at nakawab'i li xtijeb' li neb'a'; laa'at nakak'e xkawub' xch'ooleb' ut nakawileb',

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Li xHu LAJ JOB 22:26

K'ojk'ooq laawaanm rik'in li Nimajwal, ut chiru chik A'an taataqsi laawilob'aal.

Santiago 4:3

Nekextz'aamank ut ink'a' nekexk'uluk xb'aan naq ink'a' nekextz'aamank chi chaab'il: yal nekeraj xsachb'al chixjunil rik'in li k'aru naxrahi xb'aanunkil li tz'ejwalej.

1 Juan 2:3

A'an a'in naqanaw wi' naq naqanaw ru li Yos, wi naqapaab' eb' li xchaq'rab'.