1 Juan 3:15 - Q'eqchi Bible

¹⁵ Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

Li Santil hu

¹⁵ Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

1 Juan 3:15 ပူးပေါင်းရင်းမြစ်များ

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Hechos 23:14

Ke'wulak rik'ineb' li xb'eenil aj tij ut eb' li cheekel winq, ut ke'xye reheb': —Xqaye rik'in jurament naq maak'a' tqayal toj reetal tqakamsi laj Pablo.

Santiago 1:15

Chirix chik a'an li xrahinkil ru li maa'usilal nasiyank ut narala li maak, ut li maak, naq ak xtz'aqlok ru, naxk'am chaq li kamk.

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Marcos 6:19

Lix Herodías xik' naril laj Jwan ut naraj raj xkamsinkil, ab'anan ink'a' naru xb'aanunkil,

San Mateo 5:28

A'ut laa'in ninye eere naq chixjunil li tixka'ya junaq ixq ut tixrahi ru, ak xmux a'an sa' xch'ool.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

1 Pedro 1:23

xb'aan naq yoob'tesinb'ilex xka' wahil moko rik'in ta li iyaj nakamk, rik'in b'an li ink'a' nakamk, a' li Raatin li Yos, yo'yo ut wank chi junelik.

Deuteronomio 19:11

“Ab'anan wi junaq winq xik' naril li ras riitz'in, taaxik chi xramb'al sa' b'e ut tixkut rib' sa' xb'een, tixsak' ut tixkamsi, ut chirix a'an tixmuq chaq rib' sa' junaq reheb' li tenamit a'an,

1 Juan 2:9

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.