1 Juan 3:12 - Q'eqchi Bible

¹² Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

Li Santil hu

¹² Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

1 Juan 3:12 ပူးပေါင်းရင်းမြစ်များ

Hebreos 11:4

Sa' xk'ab'a' li xpaab'aal laj Abel kixyeechi'i re li Yos jun li mayej q'axal chaab'il chiru li kixk'e laj Kaín. Sa' xk'ab'a' a'an li Yos kixye naq tiik xch'ool laj Abel ut kixk'ulub'a li xmayej. Jo'kan naq, us ta kamenaq chik laj Abel, ab'an toj yo chi aatinak anaqwan sa' xk'ab'a' li xpaab'aal.

Proverbios 29:27

Eb' li tiikeb' xch'ool xik' neke'ril li ink'a' useb' xna'leb'; ut li ink'a' useb' xch'ool xik' neke'ril li tiikeb' ru xyu'am.

Génesis 4:25

Laj Adán kiwank wi' chik rik'in li rixaqil, ut kiwank jun xk'uula'al, aj Set kixk'e cho'q xk'ab'a': “Li Yos xk'ehok we jun chik ink'uula'al cho'q reeqaj laj Abel li kikamsiik xb'aan laj Kaín”, chan li winq.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

San Lucas 11:51

chalen chaq sa' li xkik'el laj Abel toj rik'in li xkik'el laj Sakarías li kikamsiik sa' xyanq li artal rik'in li rochoch li Yos. Yaal li ninye eere: taapatz'manq xtojb'al rix a'an reheb' li tenamit a'in.

San Mateo 23:35

re naq taachalq sa' eeb'een chixjunil li xkik'el li tiikeb' xch'ool li kihoye'k sa' ruuchich'och' chalen chaq sa' li xkamik laj Abel li tiik xch'ool toj rik'in li xkik'el laj Sakarías, ralal laj Barakías, li kekamsi sa' xyanq rochoch li Yos rik'in li artal.

Proverbios 29:10

Eb' laj kamsinel ras riitz'in, xik' neke'ril li tiikeb' xch'ool; ab'an li tiikeb' xch'ool neke'raj wank rik'ineb'.

1 Pedro 4:4

Jo'kan naq eb' a'an neke'sachk xch'ool chi rilb'al naq maawa'ex chik jun chi okenk chirixeb' sa' li xmaa'usilaleb', k'ajo' naq yookeb' chehob'b'al:

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Salmos 38:20

Numtajenaqeb' chik li xik' neke'ilok we chi maak'a' xyaalal, naab'aleb' li neke'tz'eqtaanank we chi maak'a' inmaak,

Salmos 37:12

Li ink'a' us xna'leb' naxk'uub' raaxiik' sa' xb'een li tiik xch'ool, naxk'uxuxi ruuch re sa' xb'een xb'aan xjosq'il.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

San Juan 10:32

Ut li Jesus kixye reheb': —Naab'al li chaab'il b'aanuhom li neke'chalk rik'in li Yuwa'b'ej xlajink'ut cheru. B'ar wank reheb' a'an li teeraj wi' inkutinkil chi pek?

San Mateo 27:23

—K'a' put ru li ink'a' us xb'aanu? chan wi' chik laj Pilaat. A'ut eb' a'an q'axal kaw chik ke'xjap re chi xyeeb'al: —Chik'ehe'q chiru krus.

San Mateo 13:38

Li ch'och' a'an chixjunil li ruuchich'och'; li chaab'il iyaj a'aneb' li ralal xk'ajol li xnimajwal wankilal li choxa; li yib' aj pim a'aneb' li ralal xk'ajol li maa'us;

San Mateo 13:19

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

1 Ts 2:14

Ex qas qiitz'in, laa'ex xek'am eere rik'ineb' li x'Iklees li Yos wankeb' aran Judea sa' xk'ab'a' li Kristo Jesus, xb'aan naq laa'ex ajwi' xek'ul li rahilal xb'aaneb' leerech tenamitul, jo' ke'xk'ul eb' a'an xb'aaneb' laj Judiiy.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Proverbios 27:4

Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

San Mateo 5:37

Jo'ka'in b'an teeb'aanu: wi tento teeye naq yaal, junes «yaal» teeye. Ut wi tento teeye naq ink'a', junes «ink'a'» teeye. Li k'aru natiqok ruheb' li aatin a'in, rik'in chik li maa'us nachalk chaq.

San Juan 8:40

Ab'anan laa'ex nekeraj inkamsinkil xb'aan naq xinye eere li yaal li xwab'i chaq rik'in li Yos. A'ut laj Abrahán ink'a' kixb'aanu chi jo'kan!

San Juan 8:41

Laa'ex nekeb'aanu li naxb'aanu leeyuwa'. Ke'xye ut re: —Laa'o ink'a' xooyo'laak sa' muxuk ib'; jun ajwi' li qayuwa': a'an li Yos!