1 Juan 2:25 - Q'eqchi Bible

²⁵ A'an a'in li kixyeechi'i qe li Kriist, a' li junelik yu'am.

Li Santil hu

²⁵ Li yuꞌam ma̱cꞌaꞌ rosoꞌjic, aꞌan li naxyechiꞌi ke li Jesucristo.

1 Juan 2:25 ပူးပေါင်းရင်းမြစ်များ

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

Tito 3:7

re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

1 Timoteo 6:12

K'e aach'ool chi kaw sa' laapaab'aal, chaweechani li junelik yu'am li katb'oqe'k wi' ut li kach'olob' chi chaab'il xyaalal chiruheb' li k'iila testiiw.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Romanos 5:21

Chi jo'kan, kama' li maak kiwank xwankil rik'in li kamk, jo'kan ajwi' chi'awab'ejinq li rusilal li Yos rik'in li tiikil ch'oolej ut cho'q re li junelik yu'am, sa' xk'ab'a' li Jesukriist, li Qaawa'!

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

San Juan 12:50

ut laa'in ninnaw naq li xchaq'rab', a'an junelik yu'am. Jo'kan naq li k'aru ninye, ninye jo' chanru xye chaq we li Yuwa'b'ej”.

San Juan 6:68

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Timoteo 6:19

Chi jo'kan yooqeb' chi xtamresinkil jun xnimal b'ihomal cho'q re li kutan chaalel li te'reechani wi' li tz'aqal yu'am.

San Juan 6:54

Ani natzekank re lintz'ejwal ut naruk' linkik'el, wank xyu'am chi junelik ut laa'in tinwaklesi chi yo'yo sa' roso'jikeb' li kutan.

San Juan 6:47

Relik chi yaal ninye eere: ani wank xpaab'aal, wank xyu'am chi junelik.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Juan 5:39

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

San Lucas 18:30

taakanaaq chi ink'a' ta tixk'ul q'axal naab'al chik sa'eb' li kutan a'in, ut tixk'ul li junelik yu'am sa' li ruuchich'och' chaalel.

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

1 Timoteo 1:16

Ut a'in xyaalal naq li Yos kiruxtaana wu: re naq li Jesukriist xb'enwa wik'in tixk'utb'esi chixjunil li xnimal xkuyum, jo'wi' re xk'amb'al xb'e chixjunileb' li te'paab'anq re naq te'reechani li junelik yu'am.

Gálatas 6:8

Ani na'awk cho'q re li xtz'ejwal, a' li q'aak tixq'ol rik'in li tz'ejwalej; ani na'awk cho'q re li musiq'ej, rik'in li Musiq'ej tixq'ol li junelik yu'am.

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

San Juan 3:15

re naq chixjunil li taapaab'anq re wanq xyu'am chi junelik.

San Juan 6:40

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.