1 Juan 2:2 - Q'eqchi Bible

² A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

Li Santil hu

² Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

1 Juan 2:2 ပူးပေါင်းရင်းမြစ်များ

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

1 Juan 4:10

Rik'in a'in nawank li rahok: moko rik'in ta naq laa'o xoorahok re li Yos, rik'in b'an naq A'an kirahok qe ut kixtaqla chaq li Ralal cho'q kames-mayej chirix li qamaak.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

San Juan 4:42

ut neke'xyehatq re li ixq: —Anaqwan naqapaab' moko xb'aan ta li k'aru xaye qe. Laa'o tz'aqal xqab'i ut naqanaw naq a'an tz'aqal laj Kolol re li ruuchich'och'.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Juan 12:32

Ut naq laa'in tintaqsiiq sa' xb'een ch'och', teb'ink'am chaq chixjunileb' wik'in.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Levítico 16:10

Ab'an li chib'aat li xkanaak cho'q re laj Asasel, taaq'axtesiiq chi yo'yo chiru li Qaawa', re naq twanq xkuyb'aleb' li maak, ut chirix a'an tixtaqla sa' li chaqich'och', cho'q re laj Asasel.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

1 Juan 3:5

Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

San Lucas 14:22

Kixye li moosej: «Wa', ak x'uxmank li xataqla xb'aanunkil, ut toj wank na'ajej».