1 Juan 2:15 - Q'eqchi Bible

¹⁵ Meera li ruuchich'och' chi moko li k'a'aq re ru wank sa' ruuchich'och'. Wi wank junaq naxra li ruuchich'och', moko wank ta li xrahom li Yuwa'b'ej rik'in.

Li Santil hu

¹⁵ Ex inherma̱n, me̱ra chic ru lix ma̱usilal li ruchichꞌochꞌ chi moco li cꞌaꞌak re ru cuan saꞌ ruchichꞌochꞌ. Cui cuan junak naxra ru li cꞌaꞌak re ru aꞌin, moco naxra ta li Acuabej Dios.

1 Juan 2:15 ပူးပေါင်းရင်းမြစ်များ

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

San Lucas 16:13

“Maajun moosej naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin”.

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

1 Juan 3:17

Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

1 Juan 4:5

Eb' a'an reheb' li ruuchich'och'; jo'kan naq ruuchich'och'il aatin neke'xye, ut neke'ab'iik xb'aan li ruuchich'och'.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

San Mateo 4:8

Kik'ame'k wi' chik toj sa' xb'een jun li tzuul q'axal najt xteram, ut laj tza kilajxk'ut chiru li xwankilal ut li xch'ina'usal chixjunileb' li xninqal ru tenamit li wank sa' ruuchich'och',

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.