1 Juan 2:13 - Q'eqchi Bible

¹³ Nintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Nintz'iib'ak eerik'in, ex saaj al, xb'aan naq xeq'ax ru li maa'us.

Li Santil hu

¹³ Nintzꞌi̱bac ajcuiꞌ e̱riqꞌuin, la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Nintzꞌi̱bac e̱riqꞌuin la̱ex li toj sa̱jex xban nak xecuy xnumsinquil li a̱le̱c li naxqꞌue laj tza. Ut nintzꞌi̱bac ajcuiꞌ e̱riqꞌuin la̱ex cocꞌal xban nak ac xepa̱b li Acuabej Dios.

1 Juan 2:13 ပူးပေါင်းရင်းမြစ်များ

San Juan 14:7

Wi nekenaw wu laa'in, teenaw ajwi' ru linYuwa'; ut chalen anaqwan nekenaw chik ru ut eerilom ru.

1 Juan 2:14

Xintz'iib'ak eerik'in, ex inkok'al, xb'aan naq nekenaw ru li Yuwa'b'ej. Xintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Xintz'iib'ak eerik'in, ex saaj al, xb'aan naq kaw eerib' ut li Raatin li Yos xxe'eni rib' eerik'in ut xeq'ax ru li maa'us.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Juan 2:12

Nintz'iib'ak eerik'in, ex inkok'al, xb'aan naq kuyb'il sachb'il chik leemaak sa' xk'ab'a' li Jesus.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

Tito 2:6

Chak'e ajwi' xna'leb'eb' li saaj winq re naq te'wanq sa' tiikilal sa' chixjunil.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

San Juan 14:9

Kixye li Jesus re: —Ak junxil nin'ok sa' eeyanq, a Felipe. Ma toj maji' nakanaw wu? Li x'ilok wu, xril ru li Yuwa'b'ej. K'a' put naq nakaye laa'at: «K'ut chiqu li Yuwa'b'ej»?

San Juan 8:19

Toja' naq ke'xye re: —B'ar wank laaYuwa'? Kichaq'ok li Jesus ut kixye: —Ink'a' nekenaw wu chi moko nekenaw ru linYuwa'; wi ta nekenaw wu, nekenaw raj ajwi' ru linYuwa'.

San Mateo 13:38

Li ch'och' a'an chixjunil li ruuchich'och'; li chaab'il iyaj a'aneb' li ralal xk'ajol li xnimajwal wankilal li choxa; li yib' aj pim a'aneb' li ralal xk'ajol li maa'us;

San Mateo 13:19

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Proverbios 20:29

Li xloq'aleb' li saaj poyanam a'an li xkawilaleb'; li xkorooneb' li ak cheekeb' a'an li xchaab'il yu'ameb'.

Salmos 91:14

“Xq'axtesi rib' chiwu, jo'kan naq tinkol -chan li Qaawa'-; tinmuheela xb'aan naq naxnaw wu.

Salmos 90:2

Naq toj maak'a'eb' chaq li tzuul ut toj maji' nak'ub'laak sa' xna'aj li choxach'och', ak laa'at ajwi' chaq li qaYos junq'e junq'e kutan!

1 Timoteo 5:1

Maaq'useb' chi kaw eb' li cheekel winq, chach'olob' b'an xna'leb'eb' jo' yuwa'b'ej. Chawaatinaheb' li saaj winq jo'eb' laawiitz'in;

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

Zacarías 9:17

K'ajo'aq xch'ina'usal ut xchaab'ilal li na'ajej! Li triiw taak'iiresinq reheb' li saaj winq ut li b'iin taasahob'resinq xch'ooleb' li tuq'ixq.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Salmos 148:12

ex saaj winq ut ex saaj ixq, ex cheekel winq eerochb'eeneb' li kok'al!

San Mateo 5:37

Jo'ka'in b'an teeb'aanu: wi tento teeye naq yaal, junes «yaal» teeye. Ut wi tento teeye naq ink'a', junes «ink'a'» teeye. Li k'aru natiqok ruheb' li aatin a'in, rik'in chik li maa'us nachalk chaq.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.