1 Juan 2:11 - Q'eqchi Bible

¹¹ A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

Li Santil hu

¹¹ Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.

1 Juan 2:11 ပူးပေါင်းရင်းမြစ်များ

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

1 Juan 1:6

Wi laa'o naqaye naq wanko sa' komonil rik'in ut wi toj yooko chi b'eek sa' li aak'ab', yooko chi tik'ti'ik ut ink'a' naqab'aanu li yaal.

1 Juan 2:9

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Juan 12:40

“Kixmutz'o'b'resiheb' li ru ut kixkawub'resi xch'ooleb', re naq ink'a' te'iloq rik'ineb' li ru, chi moko te'xtaw ru sa' xch'ooleb', chi moko te'yot'e'q xch'ool ut laa'in teb'ink'irtasi raj”.

2 Corintios 3:14

Ab'anan ke'kawuuk xk'a'uxl, xb'aan naq chalen toj anaqwan li t'ikr a'an toj wank naq na'ilmank xsa' li Najter Chaq'rab'. Li t'ikr a'an maji' na'isimank xb'aan naq ka'ajwi' sa' xk'ab'a' li Kriist taa'elq.

Proverbios 4:19

A'ut li xyu'ameb' li ink'a' useb' xch'ool a'an chanchan li aak'ab': chi moko neke'xnaw b'ar xe'tichk'ok.

Levítico 19:17

“Maak'uula sa' aach'ool xxik'b'al rilb'al laawas aawiitz'in. “Chaq'us sa' xyaalal laawas re naq ink'a' tattz'aqonq sa' li xmaak.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

2 Pedro 1:9

Ani maak'a' li maatan a'in sa' xch'ool, a'an mutz' ut ink'a' saqenk na'ilok, ak xtz'eqom chirix xch'ool naq ke'ch'ajob'resiik eb' li xnajteril maak.

1 Juan 2:10

Ani naxra li ras riitz'in, wank sa' li saqenk chi junelik ut ink'a' natichk'ok.

1 Juan 3:15

Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.