1 Corintios 9:1 - Q'eqchi Bible

¹ Chek'am eere wik'in. Ma ink'a' tab'i' naru tinb'aanu li k'aru nawaj laa'in? Ma ink'a' tab'i' laa'in apóstol? Ma ink'a' tab'i' wilom ru li Jesus li Qaawa'? Ma ink'a' tab'i' laa'ex ru link'anjel sa' xk'ab'a' li Qaawa'?

Li Santil hu

¹ ¿Ma incꞌaꞌ ta biꞌ naru tinba̱nu li cꞌaꞌru nacuaj la̱in? ¿Ma incꞌaꞌ ta biꞌ la̱in apóstol? La̱in quicuil ru li Ka̱cuaꞌ Jesucristo. Ut saꞌ incꞌabaꞌ la̱in nak xexpa̱ban xban nak la̱in xinyehoc e̱re resil li colba-ib.

1 Corintios 9:1 ပူးပေါင်းရင်းမြစ်များ

Hechos 9:17

Koho laj Ananías, kox'okaq sa' li kab'l b'arwi' wank laj Sawlo, kixk'e li ruq' sa' xb'een ut kixye re: —Saúl, at wiitz'in, li Qaawa' xinxtaqla chaq aawik'in, a' li Jesus li xk'ut rib' chawu sa' li b'e xatchalk wi'. Xinxtaqla chaq, re naq tat iloq wi' chik ut tatnujaq rik'in Santil Musiq'ej.

1 Timoteo 2:7

ut a'in aj e naq kinxaqab'aak cho'q aj puktesinel ut apóstol (ninye li yaal, ink'a' nintik'ti'ik), re xk'utb'al li paab'aal ut li yaal chiruheb' li maawa'eb' aj Judiiy.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.

Hechos 9:3

Ab'anan, naq yo chi xik, ak nach' wank rik'in Damaask, sa' junpaat kisute'k xb'aan jun li saqenk kichalk chaq sa' choxa.

1 Corintios 9:19

Relik chi yaal, us ta wankin chi ach'ab'anb'il ut maa'ani aj eechal we, ab'an xink'e wib' cho'q moos chiru chixjunileb', re reechaninkil jo'k'ihal tinruhanq reechaninkil.

2 Timoteo 1:11

Sa' li k'anjel a'in xaqab'anb'ilin cho'q aj puktesinel, cho'q apóstol ut aj tzolonel,

Gálatas 5:1

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

Gálatas 1:1

Laa'in laj Pablo, apóstol moko xb'aan ta naq b'oqb'ilin malaj taqlanb'ilin xb'aan winq, sa' xk'ab'a' b'an li Jesukriist ut sa' xk'ab'a' li Yos Yuwa'b'ej li kiwaklesink re chi yo'yo sa' xyanqeb' li kamenaq.

1 Ts 2:6

Ink'a' xqasik' qaloq'al rik'ineb' li tenamit, chi moko eerik'in laa'ex malaj rik'in anihaq chik.

2 Corintios 11:5

Ab'an laa'in nink'oxla naq moko kub'enaq ta inwankil chiruheb' li “xninqaleb' ru apóstol” a'an.

1 Corintios 1:1

Laa'in laj Pablo, b'oqb'ilin chi k'anjelak cho'q x'apóstol li Kristo Jesus jo' x'alaak sa' xch'ool li Yos, wochb'een laj Sóstenes li wiitz'in,

Romanos 11:13

Ninye eere laa'ex li maawa'ex aj Judiiy: rik'in naq laa'in tz'aqal x'apóstol eb' li maawa'eb' aj Judiiy, ninnima ru link'anjel.

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

Hechos 14:14

Naq ke'rab'i a'in, eb' li apóstol laj Bernabé ut laj Pablo ke'xq'ich li raq'eb' ut koheb' sa' aanil wankeb' wi' li poyanam, japjookeb' re chi xyeeb'al:

Hechos 14:4

Toja' naq eb' li wankeb' sa' li tenamit a'an ke'xjach rib': wan ke'okenk chirixeb' laj Judiiy, wankeb' chik ke'okenk chirixeb' li apóstol.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

Hechos 9:5

Kichaq'ok a'an: “Anihat, at Qaawa'?”, chan. Ut a'an kixye: “Laa'in li Jesus li xik' yookat chi wilb'al.

1 Corintios 10:29

Ink'a' yookin chi xyeeb'al a'in chirix laak'a'uxl laa'at, chirix b'an xk'a'uxl li jun chik, xb'aan naq chan put ru naq twech'iiq wix laa'in li wankin chi ach'ab'anb'il, xb'aan jalan aj k'a'uxl?

1 Corintios 10:30

Wi laa'in ninyoxink chirix li xintz'aqk, k'a'ut naq tinq'useq' rik'in li k'aru ninyoxi?

1 Corintios 11:16

Ut wi wank junaq naraj wech'ink chirix a'in, chixnawaq naq laa'o jo' ajwi' eb' li x'Iklees li Yos k'aynaqo chi xb'aanunkil chi jo'kan yalaq b'ar.

2 Corintios 10:7

K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.