1 Corintios 8:1 - Q'eqchi Bible

¹ Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil.

Li Santil hu

¹ Cuan cuib oxib cua̱tin tinye e̱re chirix li tzacae̱mk mayejanbil chiruheb li yi̱banbil dios. Nakanau nak chikajunilo ac xkatzol kib chirix aꞌin. Abanan toj cuan saꞌ e̱ya̱nk nequeꞌxcꞌoxla nak nequeꞌxnau chixjunil ut riqꞌuin aꞌan nequeꞌxkꞌetkꞌeti rib. Aban li ani narahoc, aꞌan naxtenkꞌa li rech aj pa̱banelil chi qꞌui̱c saꞌ lix pa̱ba̱l.

1 Corintios 8:1 ပူးပေါင်းရင်းမြစ်များ

1 Corintios 8:7

Ab'anan moko chixjunileb' ta xe'tawok ru li na'leb' a'in. Xb'aan naq wankeb' sa' eeyanq k'aynaqeb' chalen chaq najter chi xpaab'ankil li yal k'oxlanb'il yos, ut anaqwan naq neke'tzekank, a'an mayej chiruheb' li yos naq neke'xk'oxla. Ut xb'aan naq toj q'uneb' li xch'ool, neke'reek'a naq yookeb' chi xmuxb'al li xpaab'aaleb'.

Romanos 14:3

Li natzekank, mixtz'eqtaana li ink'a' natzekank; ut li ink'a' natzekank, mixwech' rix li natzekank xb'aan naq a' li Yos xk'uluk re.

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

1 Corintios 8:2

Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

Efesios 4:16

A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Hechos 15:29

naq chekolaq eerib' chiru li tzekemq mayejanb'il reheb' li jalanil yos, chiru li kik', chiruheb' li yatz'b'il xul ut li ko'b'eetak yumb'eetak. Wi teekol eerib' chiru chixjunil a'in, us teeb'aanu. Cherilaq eerib'”.

Isaías 47:10

Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».

Números 25:2

Eb' li ixq a'in ke'xb'oqeb' li winq chi xloq'oninkil li xyoseb', ut eb' laj Israel ke'tzekank ut ke'xwiq'ib' rib' chi xloq'oninkil li xyoseb' laj Mohab.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

Hechos 21:25

A'ut chirixeb' li maawa'eb' aj Judiiy li xe'ok chi paab'ank, laa'o xqak'uub' ut xqatz'iib'a naq che'xkolaq rib' chiru li tzekemq mayejanb'il chiruheb' li jalanil yos, chiru li kik' ut chiruheb' li yatz'b'il xul. Ut ink'a' te'ko'b'eetaq te'yumb'eetaq.

Hechos 15:10

K'a' put naq anaqwan teeraj xyalb'al rix li Yos rik'in xk'eeb'al sa' xb'eeneb' laj paab'anel jun li iiq ink'a' xqakuy xpaqonkil laa'o chi moko eb' li qana' qayuwa'?

Apocalipsis 2:20

Ab'an ch'a'aj naweek'a chawix naq nakak'ul chi k'anjelak lix Jesabel, li ixq a'an li naxye rib' naq propeet ut yo chi xtzolb'aleb' ut chi xb'alaq'inkileb' laj k'anjel chiwu re naq te'xmux rib'eb' ut te'xtzeka li tib' mayejanb'il chiru li xyoseb'.

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

1 Corintios 5:6

Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

1 Corintios 5:2

Ut laa'ex toj nekeq'etq'eti eerib'! Ma ink'a' us naq xraho'k raj leech'ool ut xerisi raj sa' eeyanq li xb'aanunk re a'an?

1 Corintios 4:18

Wankeb' xe'q'etq'eto'k sa' eeyanq kama' tawi' naq laa'in ink'a' tinwulaq eerik'in.

1 Corintios 4:10

Laa'o maak'a' qana'leb' sa' xk'ab'a' li Kriist, ut laa'ex wank eena'leb' rik'in li Kriist. Laa'o maak'a' qametz'ew, ut laa'ex kaw eerib'. Laa'ex nim eeloq'al, ut laa'o tz'eqtaananb'ilo.

1 Corintios 1:5

xb'aan naq rik'in A'an xexb'ihomob'resi rik'in chixjunil li xsimaatan, rik'in chixjunil li aatin ut chaab'il na'leb'.

Romanos 14:22

Li k'aru nakapaab' chirix li na'leb' a'in, chak'uula sa' laawaanm chiru li Yos. Us xaq re li nareek'a sa' xch'ool naq maak'a' xq'usb'al rik'in li x'alaak sa' li raanm xb'aanunkil!

Romanos 14:14

Ninnaw chi us ut ch'olch'o chiwu sa' xk'ab'a' li Qaawa' Jesus naq maak'a' k'aru tz'aj yal ta xjunes rib'; ab'an wi ani nak'oxlank re naq tz'aj junaq k'a' re ru, tz'aj ka'ajwi' cho'q re a'an.

Romanos 14:10

Ab'anan laa'at li q'un aach'ool sa' laapaab'aal k'a' naq nakaraq aatin sa' xb'een laawas aawiitz'in? Ut laa'at li kawat sa' li paab'ank k'a' naq nakatz'eqtaana li junch'oleb' chik? Chiqajunilo tento toxooxaqab'aaq chiru li Yos sa' xraqleb'aal aatin,

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

1 Corintios 4:6

Ex was wiitz'in, chixjunil li xinye, chirix laj Apolo ut chiwix re eetenq'ankil naq xinye, re naq teetzol eerib' qik'in chirix xyaalal li aatin a'in: “Meeq'ax ru li ak tz'iib'anb'il”. Maa'ani chixnimob'resi rib' chirix junaq ut tixtz'eqtaana li jun chik,

1 Corintios 10:15

Yookin cheraatinankil jo'kex li wankeb' xna'leb'. Ut laa'ex naru teeye ma us li ninye malaj ink'a'.