1 Corintios 7:7 - Q'eqchi Bible

⁷ Nawaj raj naq chixjunileb' li winq jo'qeb' ta laa'in. Ab'an li junjunq wank xmaatan xk'ulum rik'in li Yos: wank xk'ulum xmaatan chi jo'kan ut wank jalan chik xmaatan.

Li Santil hu

⁷ La̱in nacuaj raj nak ma̱cꞌaꞌak e̱rixakil joꞌ la̱in ma̱cꞌaꞌ cuixakil. Abanan moco juntakꞌe̱to ta chikajunilo. Li junju̱nk cuan xma̱tan qꞌuebil re xban li Dios. Joꞌcan nak cuan li nequeꞌsumla xban nak joꞌcan naraj li Dios ut cuan li incꞌaꞌ nequeꞌsumla ut saheb saꞌ xchꞌo̱l xjuneseb xban nak joꞌcan naraj li Dios.

1 Corintios 7:7 ပူးပေါင်းရင်းမြစ်များ

1 Corintios 9:5

Ma ink'a' raj truuq tqak'am chiqix junaq ixq aj paab'anel, kama' neke'xb'aanu eb' li apóstol junch'ol, jo'wi' eb' li riitz'in li Qaawa' ut laj Sefas?

Romanos 12:6

Jalan jalanq li qamaatan, a' yaal chanru li rusilal li Yos k'eeb'il qe. Jo'kan utan, wi wank qamaatan re aatinak jo' propeet, chiqak'e chi k'anjelak jo' chanru xnimal li qapaab'aal;

1 Corintios 12:4

Jalan jalanq li qamaatan, ab'an li Musiq'ej a'an ajwi'.

1 Corintios 7:8

Reheb' li ink'a' sumsuukeb' jo'wi' reheb' li xmalka'an ninye a'in: us raj te'kanaaq jo' laa'in.

1 Corintios 12:11

Ab'an chixjunil a'in a' ajwi' li jun chi Musiq'ej nab'aanunk re, ut A'an naxjek'i re li junjunq jo' chanru naraj.

Hechos 26:29

Kichaq'ok laj Pablo ut kixye: —Ink'a' ninnaw ma kach'in malaj naab'al aj chik maa tat-ok chi kristiyanil. Xk'e taxaq li Yos naq moko ka'aj ta wi' laa'at, chixjunileb' b'an li yookeb' chi wab'inkil sa' li kutan a'in jo'kaqeb' taxaq laa'in, ab'anan chi maak'a'aqeb' li kareen a'in.

1 Corintios 9:15

Ab'anan laa'in maajun reheb' li na'leb' a'in xwoksi sa' eeyanq. Ut ink'a' nintz'iib'a a'in re naq jo'kan ta chi'uxq we. Jwal us tinkamq chiru naq tinb'aanu a'an. Maa'ani taamaq'oq chiwu li xnimankil wib' sa' xk'ab'a' a'in!

Génesis 30:34

Kixye laj Labán: “Us, chi'uxmanq jo' xaye laa'at”, chan.