1 Corintios 7:30 - Q'eqchi Bible

³⁰ Eb' li neke'yaab'ak jo'kaqeb' li ink'a' neke'yaab'ak. Eb' li saheb' sa' xch'ool jo'kaqeb' li ink'a' saheb' sa' xch'ool. Eb' li neke'loq'ok jo'kaqeb' li maak'a' wankeb' re.

Li Santil hu

³⁰ Usta sa saꞌ kachꞌo̱l, usta ra saꞌ kachꞌo̱l, usta cuan kabiomal usta ma̱cꞌaꞌ, chikaqꞌuehak ban kachꞌo̱l chi cꞌanjelac chiru li Ka̱cuaꞌ Dios.

1 Corintios 7:30 ပူးပေါင်းရင်းမြစ်များ

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

San Lucas 6:25

“Ra chaalel sa' eeb'een li nujenaqex chi tzekemq anaqwan, xb'aan naq textz'okaaq moqon. “Ra chaalel sa' eeb'een li nekexse'ek anaqwan, xb'aan naq taayot'e'q eech'ool ut texyaab'aq moqon.

San Lucas 6:21

“Us xaq eere li nekextz'okaak anaqwan, xb'aan naq texnujob'resiiq moqon. “Us xaq eere li nekexyaab'ak anaqwan, xb'aan naq texse'eq moqon.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Ezequiel 7:12

Xtaw xq'ehil ut xwulak li xkutankil. Ink'a' chisaho'q xch'ool li naloq'ok chi moko chiyaab'aq li nak'ayink, xb'aan naq tinsach ru chixjunileb' li poyanam xb'aan linjosq'il.

1 Corintios 7:29

A'in li ninye eere, ex was wiitz'in: ak yo chi nume'k li honal. Jo'kan utan, eb' li wankeb' rixaqil che'wanq jo' maak'a' rixaqileb'.

1 Corintios 7:31

Eb' li neke'xyal xsahil li ruuchich'och' a'in, jo'kaqeb' li ink'a' neke'xyal xsahil. Xb'aan naq li rilob'aal li ruuchich'och' a'in yal taanume'q.