1 Corintios 7:2 - Q'eqchi Bible

² Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

Li Santil hu

² Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

1 Corintios 7:2 ပူးပေါင်းရင်းမြစ်များ

Efesios 5:28

Jo'kan ajwi' eb' li winq tento te'xra li rixaqil, kama' naq neke'xra li xtz'ejwaleb'. Ani naxra li rixaqil naxra ajwi' rib'.

Efesios 5:33

Jo'kan utan li junjunq sa' eeyanq chixra li rixaqil jo' naq naxra rib'; ut li ixaqilb'ej chiroxloq'i li xb'eelom.

1 Corintios 7:9

Ab'an wi ink'a' neke'xkuy rib', sumlaaqeb'. Jwal us naq te'sumlaaq chiru naq te'atawanq.

Proverbios 18:22

Li xtaw rixaqil, xtaw li sahilal; ut xtaw ajwi' li rusilal li Yos.

1 Corintios 6:18

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

1 Timoteo 4:3

Eb' a'an te'xye naq ink'a' us li sumlaak ut wank tzekemq ink'a' us xtzekankil, cha'qeb'. A'ut li Yos kixyoob'tesi chixjunil li tzekemq re naq eb' laj paab'anel ut eb' li neke'xnaw chi us li yaal, te'xtzeka rik'in b'anyoxink.

Malaquías 2:14

Ut chirix a'an toj nekeye: “K'a'ut naq ink'a' naxk'ul qamayej li Qaawa'?”, chankex. A'in nak'ulmank xb'aan naq li Qaawa' jultik re li aatin kaye re laawixaqil katsumlaak wi' sa' laasaajilal, ut anaqwan xab'alaq'i. A'an tz'aqal laawochb'een, laasum'aatin li kayeechi'i wi' laasumwanjik!

Proverbios 19:14

Li ochoch ut li tumin a'an qamaatan nachalk rik'in li qana' qayuwa'; ab'an jun chaab'il ixaqilb'ej a'an qamaatan nachalk rik'in li Yos.

San Mateo 5:32

A'ut laa'in ninye eere naq chixjunil li tixkanab' li rixaqil, wi ink'a' yal laq'lo rik'in, tixk'e li ixq chi xmuxb'al li xsumlajik. Ut ani taasumlaaq rik'in junaq kanab'anb'il ixq, taamuxuq sumsu.

1 Corintios 7:1

Chirix li k'aru xetz'iib'a chaq we, us raj cho'q re li winq naq ink'a' taach'e'oq ixq.

1 Corintios 7:3

Li b'eelomej chixk'e re li rixaqil jo' li teneb'anb'il sa' xb'een; jo'kan ajwi' chixb'aanu li ixaqilb'ej rik'in li xb'eelom.

1 Ts 4:4

li junjunq sa' eeyanq chixnaw wank rik'in li rixaqil sa' santilal ut loq'al,

Jueces 21:22

Wi eb' li xna' xyuwa'eb' malaj li ras riitz'ineb' te'chalq chi jitok qik'in, tqaye reheb': «B'aanuhomaq usilal, kuyumaqeb' xmaak, xb'aan naq ink'a' xoruuk xtawb'al rixaqileb' chixjunil naq xooyalok, chi moko laa'ex xexk'ehok reheb'. Wi ta jo'kan, laa'ex raj wank eemaak»”.