1 Corintios 7:11 - Q'eqchi Bible

¹¹ Ut wi tixjach rib', misumlaak chik, malaj chixk'amaq wi' chik rib' sa' usilal rik'in li xb'eelom. Jo'kan ajwi' li b'eelomej mixkanab' li rixaqil.

Li Santil hu

¹¹ Ut cui li ixakilbej tixjach rib riqꞌuin lix be̱lom, li ixk aꞌan ta̱cua̱nk xjunes ut incꞌaꞌ chic tixsicꞌ jalan cui̱nk. Abanan us raj cui tixcꞌam cuiꞌchic rib saꞌ usilal riqꞌuin lix be̱lom. Ut joꞌcan ajcuiꞌ li be̱lomej, incꞌaꞌ ajcuiꞌ naru tixjach rib riqꞌuin li rixakil.

1 Corintios 7:11 ပူးပေါင်းရင်းမြစ်များ

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

1 Corintios 7:10

Reheb' li sumsuukeb' ninye a'in (moko laa'in ta nink'ehok li xtaqlankileb' a'in, a' b'an li Qaawa'): li ixaqilb'ej ink'a' chixjach rib' rik'in li xb'eelom.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Deuteronomio 22:19

Tento naq li winq tixtoj o'k'aal chi tumin plaat li taaq'axtesimanq re li xyuwa' li saaj ixq, xb'aan naq xyoob' tik'ti' chirix jun li tuq'ixq aj Israel. Tento ajwi' naq tixk'ul li ixq cho'q rixaqil ut ink'a' taaruuq chi xkanab'ankil chiru chixjunil li xyu'am.

San Marcos 10:2

Wankeb' aj Pariseey ke'nach'ok rik'in ut ke'xpatz' re, yal re xyalb'al rix: —Ma truuq naq li winq tixkanab' li rixaqil? chankeb' re.

San Mateo 5:32

A'ut laa'in ninye eere naq chixjunil li tixkanab' li rixaqil, wi ink'a' yal laq'lo rik'in, tixk'e li ixq chi xmuxb'al li xsumlajik. Ut ani taasumlaaq rik'in junaq kanab'anb'il ixq, taamuxuq sumsu.

San Marcos 10:12

ut wi li ixq tixkanab' li xb'eelom ut taasumlaaq rik'in jalan chik, tixmux ajwi' li xsumlajik.

San Lucas 16:18

“Ani tixkanab' li rixaqil ut taasumlaaq rik'in jalan chik tixmux li xsumlajik; ut li taasumlaaq rik'in junaq kanab'anb'il xb'aan li xb'eelom taamuxuq sumsu.

1 Corintios 7:12

Reheb' li junch'ol ninye a'in (maawa' xyehom li Qaawa', inyehom b'an laa'in): wi junaq aj paab'anel wank rixaqil maak'a' xpaab'aal ut a'in naxk'ul ru wank rik'in, mixkanab' li rixaqil.