1 Corintios 6:9 - Q'eqchi Bible

⁹ Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

Li Santil hu

⁹ ¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

1 Corintios 6:9 ပူးပေါင်းရင်းမြစ်များ

Levítico 20:13

“Wi junaq winq taawanq rik'in junaq winq chanchan tawi' naq taayoklaaq rik'in junaq ixq, te'kamsiiq chi xkab'ichaleb', ut a'aneb' wankeb' wi' naq te'kamsiiq, xb'aan naq xutaanal li xe'xb'aanu.

Levítico 18:22

“Matyoklaak chi xk'atq junaq winq jo' tawi' naq xatyoklaak chi xk'atq junaq ixq. A'an jun yib' aj na'leb'.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

1 Corintios 5:10

Ab'anan ink'a' xinye: Tik ink'a' texwanq sa' xyanqeb' laj ko'b'eet ut eb' laj yumb'eet li wankatqeb' sa' li ruuchich'och' a'in malaj rik'ineb' laj rahinel ru b'ihomal, rik'ineb' laj elq', laj loq'oninel li yal k'oxlanb'il yos. Wi ta jo'kan, tento raj tex'elq sa' ruuchich'och'!

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Deuteronomio 22:5

“Li ixq ink'a' naru tixk'am raq' winq chirix, chi moko li winq tixk'e raq' ixq chirix, xb'aan naq a'an tz'i'b'eetal chiru li Qaawa' laaYos.

Romanos 1:18

Li xjosq'il li Yos yo chaq chi k'utunk toj sa' choxa sa' xb'eeneb' chixjunil li maak ut sa' xb'een chixjunil li xmaa'usilaleb' li tenamit li neke'ramok re li yaal rik'in xmaak'a'il li tiikilal.

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

1 Corintios 15:50

Ex was wiitz'in, a'an a'in li nawaj xyeeb'al eere: li tib'elej ut li kik'elej ink'a' naru te'reechani li xnimajwal wankilal li choxa; chi moko li k'a'aq re ru li taaq'aaq, taareechani li ink'a' nalajk na'oso'k.

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

1 Corintios 3:16

Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

1 Corintios 5:1

Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.

Deuteronomio 23:17

“Ink'a' te'wanq ixq malaj ut winq sa' xyanqeb' laj Israel li te'xk'ayi li xtib'eleb' sa' rochoch li Qaawa'.

Génesis 19:5

ut ke'xjap re chi xb'oqb'al laj Lot: “B'ar wankeb' li winq li xe'ok sa' laawochoch chiru li q'oqyink a'in? Isiheb' chaq re naq toomaakob'q rik'ineb'”, chankeb'.

Proverbios 22:8

Li nab'aanunk maa'usilal, tixk'ul rahilal, xb'aan naq li xwankilal taasache'q ru ut taa'oso'q.

Santiago 1:16

Ex was wiitz'in raarookex inb'aan, meeb'alaq'i eerib':

1 Corintios 9:24

Ma ink'a' nekenaw naq chixjunileb' neke'aanilak sa' li estadio, ab'an jun ajwi' nak'uluk li maatan? Aanilanqex b'i' re naq toxeek'ul leemaatan.

San Mateo 19:29

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Zacarías 5:3

Toja' naq kixye we: “A'an li majewank xchalk sa' xb'een chixjunil li na'ajej a'in, jo' chanru tz'iib'anb'il sa' xka'pak'alil li hu. Xb'aan naq chixjunil laj elq' taa'isiiq arin, ut chixjunil li nayehok jurament sa' tik'ti' jo'kan ajwi' tixk'ul.

Proverbios 11:1

Li Qaawa' naxtz'eqtaana li b'alaq'il peex, ut naxk'ul xch'ool li nab'isok chi tz'aqal.

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Éxodo 23:1

“Matyoob'ank aatin chi moko chatenq'a li wank xmaak, rik'in xyeeb'al tik'ti'.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

Levítico 18:20

“Matyoklaak chi xk'atq li rixaqil laawas aawiitz'in, chi moko tatwanq rik'in li ixq a'an, re naq ink'a' taamux aawib'.

Deuteronomio 22:22

“Wi taatawmanq junaq winq yokyooq rik'in junaq sumsuukil ixq, te'kamq chi xkab'ichaleb': taakamq li winq xyoklaak rik'in li ixq ut jo'kan ajwi' li ixq. Chi jo'ka'in taawisi li ink'a' us sa' xyanqeb' laj Israel.

Proverbios 7:27

Li xik sa' rochoch li ixq a'an, a'an li xik sa' xb'alb'a: a'an li xik sa' xna'ajeb' li kamenaq.

Ezequiel 18:11

li naxb'aanu li ink'a' xb'aanuhom li xyuwa', naraj naxye: nawa'ak sa'eb' li tijob'aal chiru tzuul, naxmux li rixaqil li ras riitz'in,

San Lucas 21:8

Kichaq'ok li Jesus ut kixye reheb': “Chek'ehaq reetal, meek'e eerib' chi b'alaq'iik. Xb'aan naq naab'aleb' te'chalq ut te'roksi link'ab'a': «Laa'inin», cha'qeb'; jo'kan ajwi': «Li xq'ehil ak nach' wank», cha'qeb'. Mexxik chirixeb'.

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

1 Corintios 5:11

Ink'a'! Li xintz'iib'a a'an a'in: Meejunaji eerib' rik'ineb' li “qas qiitz'in” neke'xk'ab'a'in, ut a'aneb' aj ko'b'eet, aj rahinel ru b'ihomal, aj loq'oninel li yal k'oxlanb'il yos, aj majewanel, aj kalajenaq malaj aj elq'. Chi moko chexwa'aq rik'ineb' a'an!

1 Corintios 6:18

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

Gálatas 6:7

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

1 Juan 3:7

Ex inkok'al, maa'ani chib'alaq'inq eere. Ani nab'aanunk re li tiikilal, a'an tiik xch'ool jo' li Jesus.