1 Corintios 6:7 - Q'eqchi Bible

⁷ Wi nekech'a'ajki eerib' cherib'il eerib', naraj naxye naq toj maji' neketaw xyaalal. Ma ink'a' raj us naq xekuy li rahilal? K'a'ut naq ink'a' xekuy li elq'aak?

Li Santil hu

⁷ Nak nequecꞌam le̱ rech aj pa̱banelil saꞌ rakleb a̱tin nacꞌutun nak toj ma̱jiꞌ nequetau xya̱lal. Kꞌaxal us raj nak te̱cuy li rahobtesi̱c ut li elkꞌa̱c ut incꞌaꞌ texxic riqꞌuin aj rakol a̱tin.

1 Corintios 6:7 ပူးပေါင်းရင်းမြစ်များ

Proverbios 20:22

Maak'oxla reeqajunkil li rahilal xak'ul. K'ojob' aach'ool rik'in li Yos, ut A'an taakoloq aawe.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

San Lucas 6:29

Ani tixtz'aj chi ruq' laako chak'e ajwi' chixsak' li junpak'al; ut wi ani tixmaq' laab'atb'al, chakanab' ajwi' laawaq' re.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

Proverbios 2:5

Chi jo'kan taataw xyaalal li roxloq'inkil li Qaawa' jo' ajwi' taanaw ru A'an chi yaal.

San Lucas 19:8

Toja' naq laj Zakeo kixaqliik ut kixye re li Qaawa': —Chakuy inmaak, at Qaawa'. Tink'e li xyiijachil linjunkab'lal reheb' li neb'a', ut wi wank junaq xwelq'a k'aru re, kaahib' wa chik xk'ihal a'an naq tinq'ajsi re.