1 Corintios 6:3 - Q'eqchi Bible

³ Ma ink'a' nekenaw naq tooraqoq aatin sa' xb'eeneb' li ánjel? Ma toja' ta chik ink'a' tqaraq aatin sa' xb'een li k'a'aq re ru re li ruuchich'och' a'in?

Li Santil hu

³ ¿Ma incꞌaꞌ nequenau nak saꞌ jun cutan torakok a̱tin saꞌ xbe̱neb li ángel? Ut cui torakok a̱tin saꞌ xbe̱neb li ángel, ¿cꞌaꞌut nak incꞌaꞌ ta̱ru̱k torakok a̱tin saꞌ xbe̱n li kachꞌaꞌajquilal arin saꞌ ruchichꞌochꞌ?

1 Corintios 6:3 ပူးပေါင်းရင်းမြစ်များ

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

1 Corintios 6:4

K'a'ut naq nekexaqab' cho'q aj raqol aatin eb' li moko xkomoneb' ta li Iklees, naq wank junaq ch'a'ajkilal sa' eeyanq?

San Lucas 8:14

Li kit'ane'k sa' li k'ix ru a'aneb' li ke'rab'i li Aatin, ab'an neke'xnat' sa' b'e rik'in li k'iila k'a'uxl, rik'in li b'ihomal ut li xsahilal li ruuchich'och', ut chi jo'kan ink'a' naq'ano'k li ru.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

2 Timoteo 4:10

laj Demas xinxkanab' xb'aan xrahinkil ru li ruuchich'och' a'in ut xkoho Tesalónika. Laj Crescente xkoho Galacia; laj Tito xkoho Dalmacia.

2 Timoteo 2:4

Maajun junaq soldaad naxlaatz'a rib' rik'in k'oxlak chirix li kutan junjunq wi traj xk'ojob'ankil xch'ool li xb'oqok re.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

1 Corintios 6:15

Ma ink'a' nekenaw naq leetz'ejwal a'an xcha'al li Kriist? Ma tinchap tab'i' xcha'al li Kriist re xk'eeb'al cho'q xcha'al junaq aj yumb'eet? Maajoq'e b'i'an!

1 Corintios 6:16

Ma ink'a' nekenaw naq li naxlaq'ab' rib' rik'in junaq aj yumb'eet, jun aj chik chi tz'ejwalej nakanaak wi' rik'in? Xb'aan naq naxye li Santil Hu: “Junajeb' aj chik chi tz'ejwalej te'kanaaq chi xkab'ichaleb'”.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.