1 Corintios 5:8 - Q'eqchi Bible

⁸ Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

Li Santil hu

⁸ Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

1 Corintios 5:8 ပူးပေါင်းရင်းမြစ်များ

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

San Lucas 12:1

Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

San Marcos 8:15

Ut li Jesus kixjultika reheb': —Chek'ehaq reetal, chekolaq eerib' chiru li xch'amaleb' laj Pariseey jo'wi' laj Herodes.

San Mateo 16:6

Toja' naq li Jesus kixye reheb': —Chek'ehaq reetal, chekolaq eerib' chiru li xch'amaleb' laj Pariseey ut eb' laj Saduseey.

1 Pedro 4:2

re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

1 Corintios 5:6

Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

San Mateo 16:12

Toja' naq ke'xtaw ru naq ink'a' kixye naq chiru li xch'amal li wa tento te'xkol rib'eb', chiru b'an li xk'utumeb' laj Pariseey ut eb' laj Saduseey.

Isaías 30:29

Ab'an laa'ex texb'ichanq jo' na'uxk chiru q'oqyink sa' junaq loq'laj ninq'e. K'ajo' naq taasaho'q leech'ool, jo' naq nasaho'k xch'ool junaq poyanam xb'aan xyaab' li xolb' naq naxik sa' li xtzuul li Qaawa', sa' li xmuheb'aal laj Israel!

Isaías 25:6

Sa' li tzuul Sión li Nimajwal Yos tixyeechi'i jun ninq'e cho'q re chixjunileb' li tenamit; tixk'uub' sahil tzekemq rik'in najter b'iin ut tixk'e chaab'il tib' ut sununkil b'iin.

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

Levítico 23:6

“Sa' li o'laju xb'e li po a'an taaninq'ehimanq xkutankil li wa ink'a' yuub'il, sa' xk'ab'a' li Qaawa'. Chiru wuqub' kutan teetzeka li wa ink'a' yuub'il.

2 Corintios 8:8

Ink'a' xinye a'in re eetaqlankil; ka'aj b'an wi' nawaj teenaw xchaab'ilaleb' xch'ool li junch'ol, re naq teek'ut naq laa'ex nekexrahok chi anchal eech'ool.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

1 Corintios 5:1

Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

1 Corintios 3:3

xb'aan naq toj q'un leech'ool chi paab'ank. Naq toj wanq sa' eeyanq li kaqalik ut li wech'ij ib', ma ink'a' tab'i' yaal naq toj nekexk'oxlak ut nekexk'anjelak jo'kex li winq junch'ol?

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

Deuteronomio 16:16

“Oxib' sut sa' li jun chihab' chixjunileb' li winq te'xk'ut chaq rib' chiru li Qaawa' laaYos, sa' li na'ajej sik'b'il ru xb'aan: sa' xninq'e li Wa ink'a' yuub'il, sa' xninq'eheb' li Xamaan ut sa' xninq'eheb' li Muheb'aal. Maajun toxk'ut rib' chiru li Qaawa' chi maak'a' wanq sa' ruq';

Éxodo 13:6

Chiru wuqub' kutan tatwa'oq wa ink'a' yuub'il, ut sa' xwuq li kutan taawanq ninq'e sa' xk'ab'a' li Qaawa'.

Éxodo 12:8

Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 13:7

Taawa'manq li wa ink'a' yuub'il chiru wuqub' kutan ut ink'a' chik taawanq li wa wank xyu sa' laawochoch, chi moko li nasipob'resink re li wa, sa' chixjunil laana'aj.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.