1 Corintios 5:6 - Q'eqchi Bible

⁶ Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

Li Santil hu

⁶ Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

1 Corintios 5:6 ပူးပေါင်းရင်းမြစ်များ

Santiago 4:16

A'utan xnimob'resinkil chik eerib' ut xq'etq'etinkil eerib' nekeb'aanu. Chixjunil li nimob'resij ib' jo' a'in, ink'a' us.

Gálatas 5:9

“B'a'b'ay li yu naxch'amob'resi chixjunil li q'em”.

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

1 Corintios 5:2

Ut laa'ex toj nekeq'etq'eti eerib'! Ma ink'a' us naq xraho'k raj leech'ool ut xerisi raj sa' eeyanq li xb'aanunk re a'an?

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

2 Timoteo 2:17

ut li raatineb' q'axal yooq chi pukank kama' li susum saank. Xkomoneb' a'an laj Himeneo ut laj Fileto:

1 Corintios 3:21

Jo'kan utan, maa'ani chixnimob'resi rib' sa' xk'ab'a'eb' li winq, xb'aan naq chixjunil li k'a'aq re ru eere laa'ex:

San Lucas 13:21

Chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

Oseas 7:4

Chixjunileb' a'an junes aj muxuleb' sumlaak; chanchaneb' li tiqwal xam, li ink'a' chik na'ajmank ru naq taak'ehe'q xkomon xxamlel toj reetal taasipooq li kaxlanwa.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.