1 Corintios 5:2 - Q'eqchi Bible

² Ut laa'ex toj nekeq'etq'eti eerib'! Ma ink'a' us naq xraho'k raj leech'ool ut xerisi raj sa' eeyanq li xb'aanunk re a'an?

Li Santil hu

² La̱ex nequekꞌetkꞌeti e̱rib ut toj cuan li ma̱c saꞌ e̱ya̱nk. Narahoꞌ raj e̱chꞌo̱l ut nayotꞌeꞌ raj e̱chꞌo̱l xban xyibal ru li ma̱c li yo̱ xba̱nunquil saꞌ e̱ya̱nk. Li ani xma̱cob chi joꞌcan xerisi raj saꞌ e̱ya̱nk.

1 Corintios 5:2 ပူးပေါင်းရင်းမြစ်များ

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Números 25:6

Ab'an jun li winq aj Israel kixk'am chaq jun li ixq aj Madián ut kiroksi sa' li xmuheb'aal, chiru laj Moisés ut chiruheb' chixjunil li poyanam naq yookeb' chi yaab'ak sa' rokeb'aal li Loq'laj Muheb'aal.

1 Corintios 4:18

Wankeb' xe'q'etq'eto'k sa' eeyanq kama' tawi' naq laa'in ink'a' tinwulaq eerik'in.

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.