1 Corintios 4:5 - Q'eqchi Bible

⁵ Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Li Santil hu

⁵ Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

1 Corintios 4:5 ပူးပေါင်းရင်းမြစ်များ

Santiago 5:7

Ex was wiitz'in, chekuyaq wan oyb'enink toj reetal sa' xk'ulunik li Qaawa'. K'ehomaq reetal: laj k'alom naroyb'eni li xloq'laj u li awimq, ut naxkuy royb'eninkil li hab' re li awk jo' ajwi' li xq'ehil li q'olok.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

1 Corintios 3:13

li xk'anjel li junjunq toxk'utb'esiiq sa' li xnimal kutan. Xb'aan naq sa' roso'jikeb' li kutan li xam taayaloq xchaab'ilal xk'anjel li junjunq.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

2 Corintios 10:18

Moko li naxye rib' naq chaab'il, a'an taak'ule'q; a' b'an li nanimaak xloq'al xb'aan li Qaawa'.

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Romanos 2:29

Li tz'aqal aj judiiy ak a'an ajwi' chaq sa' li xch'ool, ut li tz'aqal sirkunsisyon a'an li na'uxk sa' li ch'oolej, a' li uxb'il xb'aan li Musiq'ej ut ink'a' yal xb'aan xpaab'ankil junaq chaq'rab'. Li tz'aqal aj judiiy a'an li nanimaak ru xb'aan li Yos ut ink'a' xb'aaneb' li tenamit.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

Romanos 14:4

Anihat laa'at chi xwech'b'al rix li xmoos laawas aawiitz'in? A' laj eechal re taayehoq re ma us malaj ink'a' us yo chi xb'aanunkil. Ab'anan, nim li Qaawa' sa' xb'een, tixb'aanu li xk'anjel chi chaab'il.

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

Santiago 4:11

Ex was wiitz'in, meewech' eerix cherib'il eerib'. Ani naxwech' rix junaq ras riitz'in malaj naraqok aatin chirix li rech aj paab'anelil, naxwech' rix li Chaq'rab' ut naraqok aatin sa' xb'een li Chaq'rab'; ut wi nakaraq aatin sa' xb'een li Chaq'rab', maawa'at chik aj paab'ahom re, aj raqolat b'an chik aatin sa' xb'een li Chaq'rab'.

San Lucas 6:37

“Mexraqok aatin, ut ink'a' taaraqmanq aatin sa' eeb'een. Mexk'ehok sa' tojb'amaak, ut ink'a' texk'ehe'q sa' tojb'amaak. Chexkuyuq maak, ut te'kuymanq eemaak.

San Mateo 24:46

Us xaq re li moosej a'an li toltawe'q chi xb'aanunkil a'in naq tol'elq laj eechal re.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

1 Ts 5:2

Laa'ex nekenaw chi us naq li xkutankil li Qaawa' taachalq jo' nachalk junaq aj elq' chi q'eq.

San Juan 21:22

Kiyehe'k re xb'aan li Jesus: —Wi twaj naq a'in taakanaaq toj reetal tolin'elq, k'a' taawaj re? Taaqehin laa'at.

2 Pedro 3:4

“K'aru xkanaak wi' li xk'ulunik li Qaawa' yeechi'inb'il chaq eere? Chalen chaq xkamikeb' li qana' qayuwa' xna'ajkil ajwi' chixjunil, kama' chaq sa' xtiklajik li ruuchich'och'”, cha'qeb'.

San Mateo 25:23

Ut laj eechal re kixye re: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

San Judas 1:14

Chirixeb' ajwi' a'in ak ki'aatinak chaq cho'q propeet laj Enok, li xwuq winq chirix laj Adán: “K'ehomaq reetal -chan-, kol'elq li Qaawa' rochb'eeneb' li xk'iila o'q'ob' chi santil ánjel.

2 Pedro 3:12

tento naq teeroyb'eni ut teeseeb'a xchalik li xkutankil li Yos naq taa'oso'q li choxa sa' xam, ut chixjunil li wank chisa' taak'atq ut taaha'lesiiq.

1 Corintios 15:23

Ab'anan moko jun waklijikeb' ta, naq te'wakliiq chaq: xb'enwa li Kriist, a'an li xb'een mayej; moqon chik eb' li re li Kriist, sa' li xnimal xk'ulunik.

1 Corintios 11:26

K'ehomaq reetal: jar wa neketzeka li wa a'in ut nekeruk' xsa' li sek' a'in, li xkamik li Qaawa' nekepuktesi resil, toj reetal taak'ulunq wi' chik.

1 Corintios 1:7

Chi jo'kan maak'a' chik junaq usilal namajelo'k eere naq yookex chi royb'eninkil li xk'utb'esinkil rib' li Qaawa' Jesukriist.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

San Mateo 24:30

Toja' naq taak'utunq chaq sa' choxa li reetalil li K'ajolb'ej ut te'xten li re xch'ooleb' chixjunil li xteepaleb' li ruuchich'och': te'ril li K'ajolb'ej yooq chaq chi k'ulunk sa' xb'eeneb' li choql sa' choxa, rik'in xnimal xwankil ut xloq'al.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

1 Corintios 3:8

Li na'awok ut li nat'aqresink juntaq'eeteb' xloq'al, ab'an li junjunq toxk'ul xq'ajkamunkil a' yaal chanru xk'anjelak.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Li xHu LAJ JOB 12:22

Naxk'eheb' chi nawe'k li tz'aptz'ookil na'leb' ut narisi chi kutankil li k'aru wank sa' aak'ab'.

Jeremías 16:17

Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

San Mateo 10:26

“Jo'kan utan mexxiwak chiruheb', xb'aan naq maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

San Juan 21:23

Jo'kan naq kisutunk resil sa' xyanqeb' laj paab'anel naq ink'a' taakamq li tzolom a'an. Ab'an li Jesus moko kixye ta re laj Pedro naq ink'a' taakamq, kixye b'an: “Wi twaj naq a'in taakanaaq toj reetal tolin'elq, k'a' taawaj re?”.

1 Corintios 3:14

Wi laak'anjel laa'at tkanaaq sa' xna'aj, taak'ul aaq'ajkamunkil;

1 Corintios 11:16

Ut wi wank junaq naraj wech'ink chirix a'in, chixnawaq naq laa'o jo' ajwi' eb' li x'Iklees li Yos k'aynaqo chi xb'aanunkil chi jo'kan yalaq b'ar.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.

2 Corintios 10:9

Ink'a' nawaj naq teek'oxla naq yal re eexib'enkil naq nintz'iib'ak eerik'in.