1 Corintios 4:1 - Q'eqchi Bible

¹ Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

Li Santil hu

¹ Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

1 Corintios 4:1 ပူးပေါင်းရင်းမြစ်များ

1 Pedro 4:10

Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'.

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

1 Timoteo 3:9

k'uulanb'ilaq b'an sa' raanmeb' li qaloq'laj paab'aal li k'utb'esinb'il chiqu, ut saqaq ru xch'ooleb'.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Efesios 6:19

jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

Colosenses 2:2

re naq taak'ojlaaq xch'ooleb', junajaq xk'a'uxeb' sa' li rahok, toxe'xtaw li xnimal b'ihomal wank sa' li nawok yaal chi tz'aqal jo'wi' sa' xtawb'al ru li xmuqmuukil na'leb' li Yos, a'an li Kriist.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Colosenses 4:3

Chextijoq ajwi' chiqix laa'o re naq li Yos chixte taxaq rokeb'aal li Aatin chiqu, re xpuktesinkil resil li xmuqmuukil na'leb' li Kriist. Sa' xk'ab'a' a'an wankin sa' tz'alam;

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

2 Corintios 12:6

Wi ta twaj xnimankil wib', moko maak'a'aq ta raj inna'leb', xb'aan naq tinye raj li yaal. Ab'anan ink'a' tinb'aanu: mare anchal ani junaq tixk'oxla naq laa'in q'axal nim inwankil chiru li b'arwan naril malaj narab'i chiwix.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

San Mateo 24:45

“Ani li moosej tiik xch'ool ut wank xna'leb' li kik'ehe'k xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

1 Timoteo 3:6

Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza.

2 Corintios 6:4

Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

1 Corintios 4:13

Nokoohe'xmajewa, ut nokoosumenk rik'in chaab'il aatin. Chalen toj anaqwan chanchano xmulel li ruuchich'och', tz'eqtaananb'ilo xb'aaneb' chixjunil.

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

1 Corintios 2:7

Nokoo'aatinak chirix xna'leb' li Yos, muqmuukil na'leb' li ink'a' natawmank ru ut kawresinb'il chaq xb'aan li Yos rub'elaj xtiklajik li ruuchich'och' re naq twanq xnimal qaloq'al.

San Marcos 4:11

Ut a'an kixye reheb': “K'eeb'il eere laa'ex xnawb'al xyaalal li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik chixjunil nak'eemank sa' jaljookil ru aatin

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Lucas 1:2

jo' chanru xe'xk'e chiqanaw eb' li xe'ilok re chalen chaq sa' xtiklajik ut chirix a'an xe'xk'ul xk'anjeleb' chi xpuktesinkil li Aatin.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

1 Corintios 4:2

Li na'ajmank ru rik'ineb' laj k'anjel, a'an naq tiikaqeb' xch'ool.