1 Corintios 3:9 - Q'eqchi Bible

⁹ Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

Li Santil hu

⁹ La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

1 Corintios 3:9 ပူးပေါင်းရင်းမြစ်များ

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

1 Corintios 3:16

Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

San Mateo 9:37

Toja' naq kixye reheb' li xtzolom: —Li q'olom naab'al, a'ut eb' laj k'anjel ink'a' k'iheb'.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

Colosenses 2:7

xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

Hechos 4:11

Li Jesus a'an li pek xetz'eqtaana laa'ex laj kab'lanel, ut xkanaak cho'q xnimal ru pek sa' li kab'l.

3 Juan 1:8

Jo'kan naq tento chiqak'uleb' li winq a'in re naq too'okenq chi xk'anjelankil li yaal.

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

Salmos 72:16

Numtajenaqaq li awimq sa' ruuchich'och', heetanqeb' sa' xb'eeneb' li loq'laj tzuul; chi'uuchinq ut chituxmeq li ch'och' kama' li tzuul Líbano, chiwanq triiw kama' li pim sa' li tzuultaq'a.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Isaías 61:5

Eb' laj ab'l poyanam tole'xch'oolaniheb' leeketomq, eb' li jalaneb' xtenamit te'k'anjelaq cheru ut te'xxok ruheb' leerawimq.

Isaías 32:20

Us xaq eere laa'ex li tex'awq chi junqre li nima' ut teek'e chi ichajib'k leeketomq chi hitho.

Proverbios 9:1

Li chaab'il na'leb' xkab'la li rochoch ut xruutz'u'uji ru rik'in wuqub' chi oqech;

San Mateo 15:13

Li Jesus kixsumeheb': —Chixjunil li awimq ink'a' awb'il xb'aan linchoxahil Yuwa' taamich'manq.