1 Corintios 3:18 - Q'eqchi Bible

¹⁸ Maa'ani chixb'alaq'i rib'! Wi wan junaq sa' eeyanq nareek'a naq wank xna'leb' sa' li ruuchich'och' a'in, chixb'aanuhaq rib' jo' li maak'a' naxnaw re naq tixtaw xna'leb'.

Li Santil hu

¹⁸ Ma̱ ani taxak tixbalakꞌi rib xjunes. Cui cuan junak saꞌ e̱ya̱nk narecꞌa nak cuan xnaꞌleb saꞌ li ruchichꞌochꞌ aꞌin, chixcubsihak rib ut tixba̱nu joꞌ li ma̱cꞌaꞌ naxnau re nak tixtau xnaꞌleb chi tzꞌakal.

1 Corintios 3:18 ပူးပေါင်းရင်းမြစ်များ

Proverbios 3:5

K'ojk'ooq aach'ool rik'in li Yos chi junelik, ut maawa' rik'in laak'a'uxl laana'leb'.

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Gálatas 6:3

Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes.

Santiago 1:22

B'aanuhomaq li naxye li Aatin, ut ink'a' chik'ojlaaq eech'ool ka'ajwi' rik'in rab'inkil: yal xb'alaq'inkil eerib' nekeb'aanu chi jo'kan.

San Lucas 18:17

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.

San Mateo 18:4

Jo'kan utan, ani tixkub'si rib' jo' li ch'ina'al a'in, a'an li q'axal nim xwankil sa' li xnimajwal wankilal li choxa.

San Marcos 10:15

Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.

Santiago 1:26

Wi ani naxk'oxla rib' naq tz'aqal aj paab'anel ut ink'a' naxq'us li ru'uj raq', a'an naxb'alaq'i rib' xjunes, ut li xpaab'aal maak'a' rajb'al.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Efesios 5:6

Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

1 Corintios 6:9

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

1 Corintios 4:10

Laa'o maak'a' qana'leb' sa' xk'ab'a' li Kriist, ut laa'ex wank eena'leb' rik'in li Kriist. Laa'o maak'a' qametz'ew, ut laa'ex kaw eerib'. Laa'ex nim eeloq'al, ut laa'o tz'eqtaananb'ilo.

Jeremías 8:8

Chanru naq nekeye laa'ex: Wank qana'leb' ut qik'in wank li xchaq'rab' li Qaawa'? Ma ink'a' tab'i' xe'xjal ru linchaq'rab' eb' laj tz'iib' li junes b'alaq'il aatin neke'xye?

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

Proverbios 3:7

Maaye aawib' naq k'ajo' aana'leb'; chawoxloq'i li Qaawa' ut chatz'eqtaana li ink'a' us.

1 Juan 1:8

Wi naqaye naq maak'a' qamaak, yooko chi xb'alaq'inkil qib' ut moko wank ta li yaal qik'in.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Gálatas 6:7

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Isaías 44:20

Relik chi yaal naq eb' li poyanam a'an neke'xkawu xch'ooleb' chirix li maak'a' na'ok wi', ut neke'xb'alaq'i rib'eb'. Maajoq'e te'ruhanq chi xkolb'al rib'eb' chi moko te'xye: “Tik'ti' tz'aqal li k'aru wank sa' linnim uq'”.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

San Lucas 21:8

Kichaq'ok li Jesus ut kixye reheb': “Chek'ehaq reetal, meek'e eerib' chi b'alaq'iik. Xb'aan naq naab'aleb' te'chalq ut te'roksi link'ab'a': «Laa'inin», cha'qeb'; jo'kan ajwi': «Li xq'ehil ak nach' wank», cha'qeb'. Mexxik chirixeb'.

Proverbios 5:7

Jo'kan b'i', at walal, paab' li waatin ut misachk sa' laach'ool li ninye aawe.

Jeremías 37:9

Laa'in, li Qaawa', ninye eere naq meek'ojob' leech'ool chi xk'oxlankil naq eb' laj Kaldeha te'eleliq chi junajwa, xb'aan naq moko te'xik ta.

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

1 Corintios 3:17

Wi ani naxjuk' li rochoch li Yos, a' ajwi' li Yos taajuk'uq re a'an, xb'aan naq li rochoch li Yos a'an sant ut a'anex laa'ex.