1 Corintios 3:16 - Q'eqchi Bible

¹⁶ Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

Li Santil hu

¹⁶ ¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

1 Corintios 3:16 ပူးပေါင်းရင်းမြစ်များ

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

Romanos 8:9

Ab'anan laa'ex moko wankex ta chik sa' li naraj li tz'ejwalej, sa' b'an li naraj li musiq'ej, xb'aan naq li xMusiq' li Yos wank eerik'in. Ani maak'a' li xMusiq' li Kriist rik'in, a'an moko re ta li Kriist.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

2 Timoteo 1:14

Rik'in xwankil li Santil Musiq'ej li wank qik'in chak'uula sa' laach'ool li yaal q'axtesinb'il aawe.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

Romanos 6:3

Malaj ink'a' nekenaw naq li jo'k'ihal kub'enaq qaha' sa' xk'ab'a' li Kristo Jesus, qechkamik A'an naq xkub'eek qaha'?

1 Corintios 9:24

Ma ink'a' nekenaw naq chixjunileb' neke'aanilak sa' li estadio, ab'an jun ajwi' nak'uluk li maatan? Aanilanqex b'i' re naq toxeek'ul leemaatan.

1 Corintios 9:13

Ma ink'a' nekenaw naq eb' li neke'k'anjelak sa' rochoch li Yos neke'xtzeka li naxmaatani li rochoch li Yos? Ut eb' li neke'k'anjelak chiru li artal, neke'tz'aqk li namayejaak sa' xb'een li artal.

1 Corintios 6:9

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

1 Corintios 6:16

Ma ink'a' nekenaw naq li naxlaq'ab' rib' rik'in junaq aj yumb'eet, jun aj chik chi tz'ejwalej nakanaak wi' rik'in? Xb'aan naq naxye li Santil Hu: “Junajeb' aj chik chi tz'ejwalej te'kanaaq chi xkab'ichaleb'”.

1 Corintios 5:6

Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

1 Corintios 3:17

Wi ani naxjuk' li rochoch li Yos, a' ajwi' li Yos taajuk'uq re a'an, xb'aan naq li rochoch li Yos a'an sant ut a'anex laa'ex.

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.