1 Corintios 3:12 - Q'eqchi Bible

¹² Ut wi yooko chi kab'lak sa' xb'een li ub'elanb'il a'in rik'in oor, plaat, chaq'alil ru pek, che', pim malaj k'im,

Li Santil hu

¹² Cuan li teꞌcablak saꞌ xbe̱n li cimiento aꞌan riqꞌuin li cꞌaꞌak re ru najt naxcuy joꞌ li oro, li plata ut li terto̱quil pec. Ut cuan li teꞌcablak saꞌ xbe̱n riqꞌuin li incꞌaꞌ naxcuy joꞌ li cheꞌ, li cu̱c ut li qꞌuim. Lix ya̱lal aꞌan, aꞌin: nak cuan li teꞌcꞌanjelak chi cha̱bil chiru li Dios ut cuan incꞌaꞌ.

1 Corintios 3:12 ပူးပေါင်းရင်းမြစ်များ

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

2 Timoteo 3:7

Junelik yookeb' chi tzolok, ab'an ink'a' neke'ruhank xtawb'al ru li yaal.

2 Timoteo 2:20

Sa' junaq nimla ochoch moko ka'aj ta wi' sek' oor ut sek' plaat wankeb' aran, wankeb' aj b'an wi' sek' yiib'anb'ileb' rik'in che' ut ch'och'; ut wan yiib'anb'ileb' cho'q re chaab'il k'anjel, wan chik cho'q re kok' k'anjel.

Apocalipsis 21:18

Li tz'ak yiib'anb'il rik'in jaspe ut li tenamit rik'in tz'aqal oor, chanchan li saq ru lem.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Salmos 119:72

Jwal loq' chiwu li aatin na'elk chi xtz'uumal aawe chiru li k'iila o'q'ob' chi oor ut plaat.

Salmos 19:10

Li roxloq'inkil li Qaawa' loq' ut maak'a' xmuxul, xaqxo xwankil chi junelik. Chixjunil li xchaq'rab' li Qaawa' a'an tz'aqal yaal, wankeb' xloq'al ut xtiikilal,

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Hebreos 13:9

Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

1 Timoteo 6:3

Wi wank junaq jalan chik yo chi xk'utb'al ut ink'a' naxpaab' li xchaab'il aatin li Qaawa' Jesukriist jo'wi' li qatzolb'al sa' li qapaab'aal,

Colosenses 2:8

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Romanos 16:17

Nintz'aama cheru, ex was wiitz'in, naq chekolaq eerib' chiruheb' li neke'yoob'ank jachok ib' ut luktesink ch'oolej xb'aan xxik'b'al rilb'al leetzolb'al eek'ulum chaq. Meejunaji eerib' rik'ineb',

Hechos 20:30

Sa' eeyanq ajwi' laa'ex wanqeb' winq te'wakliiq chi xyeeb'al k'a'aq re ru ink'a' us re xk'amb'aleb' laj paab'anel chirixeb'.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Isaías 60:17

“Tink'e aawe li oor cho'q ruuchil li q'anch'iich', ut cho'q ruuchil li q'unilch'iich' tink'e li plaat. Tink'e aawe li q'anch'iich' cho'q ruuchil li che', ut li q'unilch'iich' cho'q ruuchil li pek. Li Tuqtuukilal taa'awab'ejinq aawe ut li Tiikilal taak'amoq aab'e.

Proverbios 30:6

Maak'e xb'een li raatin li Yos; mare anchal tatxch'iila ut tatxk'e cho'q aj tik'ti'.

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.

Proverbios 8:10

Meesik' li plaat ut li oor, sik'omaq b'an eena'leb' ut leetijb'al.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

1 Corintios 3:11

xb'aan naq maa'ani naru tixk'e junaq chik rub'elankil li kab'l chiru li ak wank, a' li Jesukriist.

1 Corintios 3:13

li xk'anjel li junjunq toxk'utb'esiiq sa' li xnimal kutan. Xb'aan naq sa' roso'jikeb' li kutan li xam taayaloq xchaab'ilal xk'anjel li junjunq.

Éxodo 5:12

Toja' naq li tenamit ke'xjek'atq rib' sa' xsutam Ejiipt chi xsik'b'al yal pim jo' reeqaj li k'im.