1 Corintios 2:9 - Q'eqchi Bible

⁹ Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

Li Santil hu

⁹ Joꞌcaꞌin tzꞌi̱banbil saꞌ li Santil Hu chirix li kalokꞌal: Li incꞌaꞌ na-ilman ru chi moco na-abi̱c chi moco nacꞌoxla̱c xbaneb li cui̱nk, aꞌan li quixcꞌu̱b li Dios chokꞌ reheb li nequeꞌrahoc re. (Isa. 64:4; 65:17)

1 Corintios 2:9 ပူးပေါင်းရင်းမြစ်များ

Isaías 64:4

Maajun wa x'ab'imank chi moko x'ilmank jun sutaq naq junaq chik yos xb'aanu li xab'aanu laa'at cho'q reheb' li neke'paab'ank chiru.

Salmos 31:19

Che'memo'q taxaq eb' laj tik'ti', eb' li neke'hob'ok re li tiik xch'ool rik'in q'etq'etil ut majewank.

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Isaías 65:17

“K'ehomaq reetal, tinyoob'tesi jun ak' choxa ut jun ak' ruuchich'och'. Maajoq'e chik taajultikamanq li k'aru xk'ulmank ut ink'a' chik tink'e sa' inch'ool.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

1 Juan 4:19

Laa'o nokoorahok xb'aan naq A'an kooxra xb'enwa.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

San Mateo 20:23

—Tooruuq, chankeb'. Ut li Jesus kixye reheb': —Yaal naq teeruk' xsa' linsek', ab'an li k'ojlaak sa' linnim uq' malaj sa' lintz'e moko laa'in ta yaal we xk'eeb'al, a'an b'an reheb' li ak k'uub'k'u wi' chaq xb'aan linYuwa'.