1 Corintios 2:7 - Q'eqchi Bible

⁷ Nokoo'aatinak chirix xna'leb' li Yos, muqmuukil na'leb' li ink'a' natawmank ru ut kawresinb'il chaq xb'aan li Yos rub'elaj xtiklajik li ruuchich'och' re naq twanq xnimal qaloq'al.

Li Santil hu

⁷ Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.

1 Corintios 2:7 ပူးပေါင်းရင်းမြစ်များ

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

San Mateo 13:35

Chi jo'kan kitz'aqlok ru li xyehom li propeet: “Tin'aatinaq sa' jaljookil ru aatin, tinye chi kutankil li k'a'aq re ru muqmu chalen chaq sa' xk'ojlajik li ruuchich'och'”.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

Salmos 78:2

Ok we chi aatinak sa' jaljo ru, ut tinch'olob' chawu li najteril tz'aptz'ookil na'leb'.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

1 Pedro 1:11

Ke'xyal xq'e chi xtawb'al xyaalal jo'q'e xq'ehil ut xhonal taak'ulmanq li yo chaq chi k'utb'esiik chiruheb' xb'aan li xMusiq' li Kriist: xb'aan naq li Musiq'ej wan chaq rik'ineb', ut kixye chi junxilaj li rahilal tixkuy li Kriist jo'wi' li xnimal xloq'al tixk'ul toj moqon.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

1 Pedro 5:1

Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

1 Corintios 2:1

Ex was wiitz'in, naq xinwulak sa' eeyanq, ink'a' xinwulak chi xpuktesinkil eere li xChaab'il Esil li Yos rik'in xninqal ru aatin malaj rik'in xninqal ru na'leb',

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

Hebreos 11:3

Sa' xk'ab'a' li paab'aal naqanaw naq li choxach'och' kib'aanuuk rik'in raatin li Yos. Chi jo'kan li k'aru na'ilmank ru ki'uxk rik'in li moko na'ilmank ta ru.