1 Corintios 2:4 - Q'eqchi Bible

⁴ Xin'aatinak ut xinch'olob' xyaalal moko rik'in ta xchaq'alil ru aatin neke'q'unb'esink ch'oolej, rik'in b'an li xk'utb'esinkil rib' xwankil li Musiq'ej,

Li Santil hu

⁴ Nak xinchꞌolob xya̱lal che̱ru incꞌaꞌ xina̱tinac riqꞌuin a̱tin joꞌ nequeꞌxba̱nu li cuanqueb xnaꞌleb saꞌ ruchichꞌochꞌ. Xinchꞌolob ban xya̱lal che̱ru joꞌ quixcꞌut chicuu li Santil Musikꞌej, ut li Santil Musikꞌej quiqꞌuehoc xcuanquil li cua̱tin.

1 Corintios 2:4 ပူးပေါင်းရင်းမြစ်များ

1 Corintios 4:20

Xb'aan naq li xnimajwal awab'ejihom li Yos moko wank ta sa' k'iila aatin, rik'in b'an k'anjelak chi kaw.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

1 Corintios 1:17

Xb'aan naq li Kriist ink'a' xinxtaqla chi kub'sink ha', xinxtaqla b'an chi xpuktesinkil li Chaab'il Esilal. Ab'an maawa' rik'in xninqalil ru aatin, re naq ink'a' tkanaaq chi maak'a' rajb'al li xkrus li Kriist.

1 Corintios 2:1

Ex was wiitz'in, naq xinwulak sa' eeyanq, ink'a' xinwulak chi xpuktesinkil eere li xChaab'il Esil li Yos rik'in xninqal ru aatin malaj rik'in xninqal ru na'leb',

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

2 Pedro 1:16

Naq xlajqak'ut cheru li xwankilal ut li xk'ulunik li Qaawa' Jesukriist moko xqaye ta a'an jo' jun seeraq' li maak'a' rajb'al, chirix b'an naq ak xqil chaq tz'aqal rik'in qu li xnimajwal loq'al.

1 Corintios 2:13

A'in tz'aqal li nokoo'aatinak wi', ink'a' rik'in aatin tzolb'il rik'in xna'leb' li ruuchich'och', rik'in b'an li aatin xqatzol rik'in li Musiq'ej: yooko chi xch'olob'ankil li k'a' re ru re li Musiq'ej, rik'in li aatin k'utb'il xb'aan li Musiq'ej.

Colosenses 2:4

Ninye a'in eere re naq maa'ani chib'alaq'inq eere rik'in xchaq'alil ru aatin.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Ezequiel 13:6

Moko yaal ta naq neke'ilok moy u, ut tik'ti' li neke'xye. Neke'xye naq laa'in xintaqlank reheb' chi aatinak, ab'an moko yaal ta. Ut neke'royb'eni naq taatz'aqloq ru li raatineb'!

Proverbios 7:21

Rik'in b'alaq'il aatin kirelaji ru li al, kixq'unb'esi ut kireechani chi junwaakaj.

Hechos 26:28

Toja' naq laj Agripa kixye re laj Pablo: —Kach'in aj chik maa nikinaaq'unb'esi chi ok chi kristiyanil.

Jueces 16:5

Eb' li xjolomileb' laj Filistea koheb' wan wi' li ixq ut ke'xye re: “Q'unb'esi laj Sansón re naq tixye aawe b'ar nachalk li xnimal xmetz'ew ut chan raj ru tooruuq chi xq'axb'al ru, re xchapb'al ut xb'ak'b'al chi kaw. O'lajuk'aal rox o'q'ob' (1,100) chi tumin plaat taaqak'e aawe chiqajunjunqal”, chankeb'.

Jueces 14:15

Sa' xka li kutan ke'xye re li rixaqil laj Sansón: “Q'unb'esi laab'eelom re naq tixch'olob' chiqu xyaalal li aatin a'an. Wi ink'a' taab'aanu, taaqak'at li rochoch laayuwa' ut tatqak'at ajwi' laa'at. Malaj xooheeb'oq chaq yal re qelq'ankil?”, chankeb'.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Proverbios 20:19

Li nawulak chiru molok aatin, maajun li na'leb' naxk'uula chi muqmu; jo'kan naq maawochb'eeniheb' laj tik'ti'.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

2 Corintios 6:6

Naqak'ut ajwi' a'an rik'in xsaqal ru li qach'ool, rik'in qachaab'il k'a'uxl, xnimal qakuyum, usilal, rik'in Santil Musiq'ej ut rik'in tz'aqal rahok,