1 Corintios 2:14 - Q'eqchi Bible

¹⁴ Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

Li Santil hu

¹⁴ Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

1 Corintios 2:14 ပူးပေါင်းရင်းမြစ်များ

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Corintios 15:46

Ab'anan li nak'utunk xb'enwa, moko a'an ta re li musiq'ej, a'an b'an re li tz'ejwalej; toj moqon chik nak'utunk li k'aru re li musiq'ej.

San Judas 1:19

A'aneb' a'in li neke'yoob'ank jachok ib', aj raholeb' ru li ruuchich'och'il na'leb', ut maak'a' li Musiq'ej rik'ineb'.

Santiago 3:15

Li na'leb' a'an moko taqe'q ta nachalk chaq, xna'leb' b'an li ruuchich'och'; maawa' xna'leb' li xMusiq' li Yos, xna'leb' b'an laj tza.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

1 Corintios 15:44

na'awe' jun ch'och'il tz'ejwalej, ut taayo'laaq musiq'ejil tz'ejwalej. Xb'aan naq wi wank jun ch'och'il tz'ejwalej, wank ajwi' jun musiq'ejil tz'ejwalej.

1 Corintios 2:12

Ut laa'o ink'a' xqak'ul xmusiq' li ruuchich'och', xqak'ul b'an li Musiq'ej li nachalk rik'in li Yos, re naq tqataw ru chixjunil li xqamaatani rik'in li Yos.

Proverbios 14:6

Li q'etq'et naxsik' li chaab'il na'leb', ut ink'a' naxtaw; ab'an cho'q re li seeb' xk'a'uxl, moko ch'a'aj ta xtawb'al.

San Juan 12:37

Us ta naab'al li eetalil kixb'aanu li Jesus chiruheb', ab'an ink'a' ke'xpaab',

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

San Mateo 16:23

A'ut a'an kixsutq'isi rib' ut kixye re laj Pedro: —Elen chiwu, at aj tza! Laa'at aj luktesinel ch'ool cho'q we, xb'aan naq laak'a'uxl moko re ta li Yos, reheb' b'an li winq.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Hechos 16:14

Yo ajwi' chi qab'inkil jun li ixq, xLidia xk'ab'a', chalenaq sa' li tenamit Tiatira, nak'ayink kaqi b'on re t'ikr, ut aj paab'anel. Li Qaawa' kixte li xch'ool re naq tixk'ulub'a li yo chi xyeeb'al laj Pablo.

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

Hechos 25:19

Ka'ajwi' xe'xjit chirix li xpaab'aaleb' ut chirix jun li winq Jesus xk'ab'a', ak kamenaq, ab'an laj Pablo naxye naq toj yo'yo.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

Hechos 18:15

Ab'anan nawil naq yookex chi xwech'inkil rix li aatin, k'ab'a'ej ut k'a'aq chik re ru wank sa' leeChaq'rab'; jo'kan naq a' yaal eere. Ink'a' nawaj raqok aatin chirix a k'a'aq re ru a'in.

Hechos 17:32

Naq ke'rab'i chi aatinak chirix li xwaklijikeb' li kamenaq, wankeb' ke'ok chi xse'enkil laj Pablo; wankeb' chik ke'yehok: —Toj sa' jun sut chik tatqab'ihaq chi aatinak chirix a'an.

San Juan 10:20

Ut naab'aleb' sa' xyanqeb' ke'yehok: —Wank aj tza rik'in ut kaan ru. K'a'ut naq nekerab'i?

Hechos 17:18

Wankeb' ajwi' aj nahonel xninqal ru k'a'uxl, xkomoneb' laj Epikuro ut eb' laj Estoiko, ke'ok chi wech'ink rik'in. Wan ke'yehok: —K'a' anchal taaraj xyeeb'al laj b'ayol rib' a'an? Wankeb' wi' chik neke'yehok: —Mare a'an jun li na'aatinak chirixeb' jalanil yos. Ke'xye chi jo'kan xb'aan naq laj Pablo naxye resil li Jesus jo' ajwi' resil li xwaklijik wi' chik chi yo'yo.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

1 Corintios 1:25

Xb'aan naq li xmemil li Yos a'an xnimal na'leb' chiru li xna'leb'eb' li winq, ut li xmajelal xkawilal li Yos a'an q'axal chik kaw chiru li xkawilaleb' li winq.

1 Corintios 3:1

Ex was wiitz'in, laa'in ink'a' xinru cheraatinankil jo' aj paab'anel wank tz'aqal li Musiq'ej rik'ineb', xexwaatina b'an jo' li toj q'uneb' xch'ool, toj k'uula'alex chi xpaab'ankil li Kriist.