1 Corintios 2:11 - Q'eqchi Bible

¹¹ Ani tab'i' sa' xyanqeb' li winq nanawok chi us li xch'ool li winq? Ma ink'a' ka'ajwi' li xmusiq' li winq li wank rik'in a'an? Jo'kan ajwi' maa'ani nanawok xchamal xk'a'uxl li Yos, ka'ajwi' li xMusiq' li Yos.

Li Santil hu

¹¹ Ma̱ ani nanaꞌoc re cꞌaꞌru cuan saꞌ xchꞌo̱l li junju̱nk. Caꞌaj cuiꞌ li junju̱nk nanaꞌoc re. Joꞌcan ajcuiꞌ lix cꞌaꞌux li Dios. Ma̱ ani nanaꞌoc re. Caꞌaj cuiꞌ li Santil Musikꞌej nanaꞌoc re.

1 Corintios 2:11 ပူးပေါင်းရင်းမြစ်များ

Proverbios 20:27

Li musiq'ej li wank qik'in, a'an xsaqenk li Qaawa', li naxsik'i jo'ch'inal jo'nimal wank sa' qach'ool.

1 Corintios 2:10

Chixjunil a'an kik'utb'esiik chiqu xb'aan li Yos sa' xk'ab'a' li Musiq'ej, ut li Musiq'ej chixjunil nalajxtz'ili rix, a' ajwi' li xchamal xk'a'uxl li Yos.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Proverbios 14:10

Li junjunq naxnaw li xrahilal xch'ool; ut maa'ani taatz'aqonq rik'in xsahil xch'ool.

Proverbios 20:5

Li xk'a'uxl li winq, a'an kama' li chamal ha'; ab'an li seeb' xch'ool, naxtaw ru.

Li xHu LAJ JOB 15:8

Ma laa'at tab'i' laj k'ehol xna'leb' li Yos? Ma ka'ajwi' aawik'in wank li choxahil na'leb'?

1 Corintios 12:8

Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;