1 Corintios 2:10 - Q'eqchi Bible

¹⁰ Chixjunil a'an kik'utb'esiik chiqu xb'aan li Yos sa' xk'ab'a' li Musiq'ej, ut li Musiq'ej chixjunil nalajxtz'ili rix, a' ajwi' li xchamal xk'a'uxl li Yos.

Li Santil hu

¹⁰ Aban li Dios quixcꞌutbesi chiku li naꞌleb aꞌin xban li Santil Musikꞌej. Li Santil Musikꞌej naxnau chixjunil lix naꞌleb li Dios li kꞌaxal chꞌaꞌaj xtaubal ru.

1 Corintios 2:10 ပူးပေါင်းရင်းမြစ်များ

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Efesios 3:5

Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.

San Lucas 10:21

Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu.

Efesios 3:3

Nekenaw naq kik'utb'esiik chiwu li muqmuukil na'leb', jo' chanru li toja' xintz'iib'a b'ayaq eerik'in.

Gálatas 1:12

xb'aan naq moko xwab'i ta chi moko xintzol rik'in junaq winq, a' b'an li Jesukriist kik'utuk re chiwu.

San Mateo 16:17

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

San Juan 16:13

Naq tol'elq li Musiq'ej re li yaal, a'an taak'amoq eeb'e toj sa' xjunxaqalil li yaal, xb'aan naq ink'a' taa'aatinaq yal xjunes rib', tixye b'an chixjunil li narab'i chaq ut tixk'ut cheru li k'aru chaalel.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Corintios 2:11

Ani tab'i' sa' xyanqeb' li winq nanawok chi us li xch'ool li winq? Ma ink'a' ka'ajwi' li xmusiq' li winq li wank rik'in a'an? Jo'kan ajwi' maa'ani nanawok xchamal xk'a'uxl li Yos, ka'ajwi' li xMusiq' li Yos.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Li xHu LAJ JOB 12:22

Naxk'eheb' chi nawe'k li tz'aptz'ookil na'leb' ut narisi chi kutankil li k'aru wank sa' aak'ab'.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

1 Corintios 14:30

Ut wi wan k'aru taak'ute'q xb'aan li Yos chiru junaq k'ojk'o aran, chikanab'aaq chi aatinak xb'aan li jun chik.

San Lucas 2:26

Ak yeeb'il chaq re xb'aan li Santil Musiq'ej naq ink'a' taakamq chi maji'aq taaril ru li xKriist li Qaawa'.

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

1 Timoteo 4:1

Ch'olch'o naxye li Musiq'ej naq sa' roso'jikeb' li kutan wan te'xkanab' paab'ank ut te'xtaaqe eb' laj b'alaq'il musiq'ej ut li xk'utumeb' laj tza.

Apocalipsis 2:24

«A'ut laa'ex li junch'ol chik aj Tiatira, li ink'a' nekepaab' li na'leb' a'in, laa'ex li ink'a' eenawom eb' li xchamal laj tza, jo' neke'xye, tinye eere: Maajun chik iiq tink'e sa' eeb'een,