1 Corintios 15:52 - Q'eqchi Bible

⁵² Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

Li Santil hu

⁵² Saꞌ rosoꞌjic li cutan nak ta̱ecꞌa̱nk chak li trompeta, tojalanokꞌ saꞌ junpa̱t saꞌ jun mutzꞌil u. Nak ta̱ecꞌa̱nk chak li trompeta eb laj pa̱banel li ac camenakeb teꞌcuacli̱k cuiꞌchic chi yoꞌyo ut incꞌaꞌ chic teꞌca̱mk. Ut eb laj pa̱banel li toj yoꞌyo̱queb teꞌjalanokꞌ.

1 Corintios 15:52 ပူးပေါင်းရင်းမြစ်များ

San Mateo 24:31

Ut tixtaqlaheb' li x'ánjel rik'in xkawil yaab' tronpeet sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xtiklajik li choxa toj sa' xmaril.

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

San Juan 5:28

“Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

1 Corintios 15:42

Jo'kan ajwi' li xwaklijikeb' wi' chik chi yo'yo: na'awe' li naq'aak, ut taayo'laaq li ink'a' nalajk na'oso'k;

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

1 Corintios 15:50

Ex was wiitz'in, a'an a'in li nawaj xyeeb'al eere: li tib'elej ut li kik'elej ink'a' naru te'reechani li xnimajwal wankilal li choxa; chi moko li k'a'aq re ru li taaq'aaq, taareechani li ink'a' nalajk na'oso'k.

Apocalipsis 8:2

Toja' naq kiwil li wuqub' chi ánjel xaqxookeb' chiru li Yos, ut ke'k'ehe'k wuqub' xtronpeet.

Ezequiel 33:6

Ab'an wi laj k'aak'alenel xrileb' chi wulak eb' li xik' neke'ilok reheb' ut ink'a' xyaab'asi li pur re naq te'xkol rib'eb' li poyanam, te'ok eb' li xik' neke'ilok ut te'xkamsi junaq poyanam, a'an taakamq sa' li xmaak, ab'an a' laj k'aak'alenel wank xmaak naq xkamk li winq a'an».

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Ezequiel 33:3

Ut naq a'in taaril naq yookeb' chi chalk eb' li xik' neke'ilok re li tenamit, tixyaab'asi li pur re naq te'xkol rib'eb' li poyanam.

Salmos 73:19

Sa' junpaat te'kanaaq chi xiwajel rilb'aleb' ut te'ok chi oso'k xb'aaneb' xxiw.

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Números 10:4

Ab'an naq jun ajwi' taayaab'asiiq, te'xch'utub' rib' chak'atq ka'ajwi' li xjolomileb' li xch'uuteb' laj Israel.

Éxodo 33:5

xb'aan naq xyehom li Qaawa' re laj Moisés: “Ye reheb' laj Israel: «Laa'ex jun tenamit q'axal kaw leejolom. Wi ta laa'in texwochb'eeni, us ta yal junpaataq, texinsach raj chi junajwa. Jo'kan b'i', isihomaq cherix leechaab'il aq', ut moqon laa'in twil li k'aru tinb'aanu eere»”.

Números 16:45

“Elenqex sa' xyanqeb' li komonil a'in, xb'aan naq ok we chi xsachb'aleb' ru chi junpaat”, chan. Laj Moisés ut laj Aharón ke'xhupub' rib' chiru ch'och', ut

Números 16:21

“Elenqex sa' xyanqeb' li komonil a'in, re naq teb'insach ru chi junpaat”, chan.

1 Corintios 15:23

Ab'anan moko jun waklijikeb' ta, naq te'wakliiq chaq: xb'enwa li Kriist, a'an li xb'een mayej; moqon chik eb' li re li Kriist, sa' li xnimal xk'ulunik.

1 Ts 4:15

A'in naqaye eere jo' raatin li Qaawa': laa'o li yo'yooqo, li wanqo toj reetal sa' xk'ulunik li Qaawa', moko laa'o ta xb'enwa li tooxoke'q chiruheb' li ak xe'kamk.