1 Corintios 14:4 - Q'eqchi Bible

⁴ Ani na'aatinak sa' jalanil aatin naxk'uub' xch'ool xjunes rib'; ut li na'aatinak jo' propeet naxk'uub' ru chixjunil li komonil.

Li Santil hu

⁴ Li ani naa̱tinac saꞌ jalanil a̱tin naxtenkꞌa rib xjunes rib. Abanan li ani naxchꞌolob xya̱lal li ra̱tin li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb.

1 Corintios 14:4 ပူးပေါင်းရင်းမြစ်များ

1 Corintios 14:22

Jo'kan naq li maatan re aatinak sa' jalanil aatin a'an eetalil cho'q reheb' li maak'a' neke'xpaab' ut ink'a' cho'q reheb' laj paab'anel. A'ut li maatan re aatinak jo' propeet a'an maatan reheb' laj paab'anel ut ink'a' reheb' li maak'a' neke'xpaab'.

1 Corintios 14:26

Ex was wiitz'in, a'an a'in li nawaj xyeeb'al eere: naq teech'utub' eerib', li junjunq truuq tixb'icha junaq saalm; truuq ajwi' taak'ehoq na'leb', tixye li k'aru xk'utb'esiik chiru, taa'aatinaq sa' jalanil aatin malaj tixch'olob' xyaalal eb' li aatin a'in. Ab'anan tento naq chixjunil taa'uxmanq re xkab'lankil li komonil.

San Marcos 16:17

A'aneb' a'in li eetalil li taak'utunq rik'ineb' li te'paab'anq: sa' ink'ab'a' te'isinq maa'us aj musiq'ej, te'aatinaq sa' jalan aatinob'aal,

1 Corintios 14:12

Jo'kan utan, laa'ex li nekek'e eech'ool chi xsik'b'al li maatan naxk'e li Musiq'ej cheyalaq eeq'e chi xsik'b'al chi yo'oon li maatan nakab'lank li komonil.

1 Corintios 14:5

Nawaj raj naq chejunilex wanq eemaatan re aatinak sa' jalanil aatin, ab'an q'axal chik us naq tex'aatinaq jo' propeet. Xb'aan naq li na'aatinak jo' propeet naxq'ax ru li na'aatinak sa' jalanil aatin wi a'in ink'a' naxch'olob' xyaalal li raatin, re naq taakab'laaq li komonil.

1 Corintios 14:3

Ab'an li na'aatinak jo' propeet naraatinaheb' li tenamit re xkab'lankil li komonil, re xwaklesinkil ut xk'ojob'ankil xch'ooleb'.

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

1 Corintios 12:10

wan chik xmaatani re xb'aanunkil sachb'ach'oolej; wan k'eeb'il xmaatan re aatinak jo' propeet; wan xmaatani xnawb'al ruheb' li musiq'ej; wan ajwi' xmaatani aatinak sa' jalanil aatin li ink'a' natawmank ru; wan chik k'eeb'il xmaatan chi xch'olob'ankil xyaalal eb' li aatin a'in.

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.