1 Corintios 13:8 - Q'eqchi Bible

⁸ Li rahok maajoq'e na'oso'k. Taaraqe'q li maatan re aatinak jo' propeet, taaraqe'q li maatan re aatinak sa' jalanil aatin. Taawulaq xq'ehil naq ink'a' chik taak'anjelaq li maatan re xtawb'al ru chixjunil.

Li Santil hu

⁸ Li rahoc ta̱cua̱nk chi junelic. Ta̱cuulak xkꞌehil nak incꞌaꞌ chic ta̱cꞌanjelak li ma̱tan re cua̱nc chi profetil ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re a̱tinac saꞌ jalanil a̱tin. Ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re xtaubal ru chixjunil. Abanan li rahoc incꞌaꞌ nalaj, incꞌaꞌ na-osoꞌ. Cua̱nk ban chi junelic.

1 Corintios 13:8 ပူးပေါင်းရင်းမြစ်များ

1 Corintios 13:13

Anaqwan junelik xaqxookeb' li oxib' a'in: li paab'aal, li oyb'enink ut li rahok. Ab'an li q'axal nim xwankil sa' xyanqeb', a'an li rahok.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

Hechos 2:4

Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

Hebreos 8:13

Naq li Yos kixye “ak'”, kixch'olob' naq li xb'een Sumwank maak'a' chik na'ok wi'; ut li k'aru q'eel ut tiklajenaq najter, yal sachk aj chik re.

1 Corintios 13:10

Naq tol'elq li tz'aqal yaal, taa'oso'q li ink'a' tz'aqal re ru.

1 Corintios 12:10

wan chik xmaatani re xb'aanunkil sachb'ach'oolej; wan k'eeb'il xmaatan re aatinak jo' propeet; wan xmaatani xnawb'al ruheb' li musiq'ej; wan ajwi' xmaatani aatinak sa' jalanil aatin li ink'a' natawmank ru; wan chik k'eeb'il xmaatan chi xch'olob'ankil xyaalal eb' li aatin a'in.

Hechos 19:6

Ut naq laj Pablo kixk'e li ruq' sa' xb'eeneb', kichalk li Santil Musiq'ej sa' xb'eeneb' ut ke'ok chi aatinak sa' jalan jalanq aatinob'aal, jo'eb' li propeet.

San Lucas 22:32

A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.

Jeremías 49:7

Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

1 Corintios 14:39

Jo'kan utan, ex was wiitz'in, cheq'axtesi leech'ool chi xsik'b'al li maatan re aatinak jo' propeet, ut meeram li aatinak sa' jalanil aatin.

Hechos 13:1

Sa' li Iklees li wank Antiokía wankeb' propeet ut aj tzoloneleb': laj Bernabé, laj Simehón, aj Niger nayeemank re, laj Lucio aj Sirene, laj Manahén li kik'iiresiik rik'in laj Herodes li awab'ej, ut laj Sawlo.

1 Corintios 8:2

Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.