1 Corintios 13:6 - Q'eqchi Bible

⁶ ink'a' nasaho'k sa' xch'ool rik'in li xmaak'a'il li tiikilal, nasaho'k b'an rik'in li yaal.

Li Santil hu

⁶ Li ani narahoc incꞌaꞌ nasahoꞌ xchꞌo̱l nak eb li ras ri̱tzꞌin nequeꞌxba̱nu li incꞌaꞌ us. Nasahoꞌ ban xchꞌo̱l nak cuanqueb saꞌ xya̱lal.

1 Corintios 13:6 ပူးပေါင်းရင်းမြစ်များ

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

2 Juan 1:4

Q'axal xsaho'k sa' inch'ool naq wan xeb'intaw sa' xyanqeb' laawalal aak'ajol li yookeb' chi b'eek sa' li yaal, jo' chanru li qataqlankil xb'aan li Yuwa'b'ej.

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

2 Ts 2:12

ut chi jo'kan chixjunileb' li ink'a' ke'xpaab' li yaal ut a' chik li maa'usilal kiwulak chiruheb', taateneb'aaq tojb'amaak sa' xb'eeneb'.

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

Proverbios 14:9

Eb' li maak'a' xna'leb' neke'xse'e li xmaakeb'; a'ut li chaab'ileb' xch'ool neke'xsik' li rusilal li Yos.

Miqueas 7:8

Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Filipenses 3:18

Xb'aan naq naab'aleb' xik' neke'ril li xkrus li Kriist. A'in ak k'iila sut inyehom eere, ut anaqwan ninye wi' chik eere rik'in yaab'ak.

Filipenses 1:18

Ab'anan maak'a' naxye, us ta sa' ka'pak'al uhil, us ta sa' tiikil ch'oolej, junelik napuktesimank resil li Kriist: a'in nasaho'k wi' inch'ool ut taasaho'q ajwi' chi junelik.

Filipenses 1:4

ut junelik nintz'aamank cherix chejunilex sa'eb' chixjunil lintij chi sa sa' inch'ool,

San Lucas 22:5

Eb' a'an ke'saho'k sa' xch'ool ut ke'xk'uub' xk'eeb'al xtumin.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Salmos 119:136

Chanchan roqha' li xya'al wu xb'aan li yaab'ak, xb'aan naq nawil naq ink'a' neke'xpaab' laachaq'rab'.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

Éxodo 18:9

Kisaho'k sa' xch'ool laj Jetró rik'in li xnimal usilal ki'uxk reheb' laj Israel xb'aan li Qaawa', naq kirisiheb' chaq sa' ruq'eb' laj Ejiipt;

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

San Mateo 18:13

Ut wi tixtaw chaq, relik chi yaal ninye eere naq q'axal taasaho'q xch'ool rik'in li jun a'an chiruheb' li b'eleelaju ro'k'aal li ink'a' xe'sachk.