1 Corintios 13:2 - Q'eqchi Bible

² Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

Li Santil hu

² Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

1 Corintios 13:2 ပူးပေါင်းရင်းမြစ်များ

1 Juan 4:8

Ani ink'a' narahok, ink'a' xnawom ru li Yos, xb'aan naq li Yos a'an rahok.

1 Corintios 13:3

Wi ta tinjek'i chixjunil linjunkab'lal reheb' li neb'a' ut tinq'axtesi ta wib' sa' xam, ab'anan wi ink'a' ninrahok, maak'a' ninra chirix a'an.

San Mateo 17:20

Kixye reheb': —Xb'aan naq kach'in leepaab'aal. Relik chi yaal ninye eere: wi ta li xnimal leepaab'aal a'an jo' jun t'orol chi mostaas, teeye raj re li tzuul a'in: «Elen arin ut q'axon le'», ut a'an taaq'axonq raj; ut maak'a' raj k'aru ink'a' truuq teeb'aanu.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

San Mateo 21:21

Kichaq'ok li Jesus ut kixye reheb': —Relik chi yaal ninye eere: wi wanq leepaab'aal ut ink'a' taawiib'anq leech'ool, moko ka'aj ta wi' li xinb'aanu laa'in re li xche'el li iig teeb'aanu laa'ex, taaruuq aj b'an wi' teeye re li tzuul a'in: «Elen ut kut aawib' sa' palaw», ut taa'uxmanq raj.

Efesios 3:4

Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist.

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.

Gálatas 5:16

Chineerab'i: chexb'eeq rub'el xwankil li Musiq'ej, ut chi jo'kan ink'a' teeb'aanu li naxrahi ru li tz'ejwalej.

Colosenses 1:26

a' li tz'aptz'ookil na'leb' muqmu chalen chaq q'e kutan, chalen sa' xtiklajik xteepaleb' li qaxe' qatoon, ut anaqwan xk'utb'esimank chik chiruheb' laj santil paab'anel.

Gálatas 6:3

Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

1 Corintios 7:19

Li sirkunsisyon maak'a' naraj naxye; jo'kan ajwi' li wank chi maak'a' a'an. Li na'ajmank ru, a'an xpaab'ankil li xchaq'rab' li Yos.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Efesios 6:19

jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

Romanos 16:25

Chiqanima ru li Yos! A'an wank xwankil chi xk'eeb'al xkawub' eech'ool, jo' chanru li Chaab'il Esilal ninjultika ut ninpuktesi chirix li Jesukriist, jo' ajwi' chanru yo chi k'utunk xyaalal anaqwan li choxahil na'leb' tz'aptz'o ru naq kiwank chalen chaq q'e kutan,

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

San Mateo 21:19

Kiril jun toon chi iig wank chire b'e: kinach'ok rik'in, ab'anan junes xaq kixtaw. Toja' naq kixye re: —Mat-uuchink chik chi junajwa. Ut chi junpaat kichaqik li xche'el li iig.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

1 Corintios 14:39

Jo'kan utan, ex was wiitz'in, cheq'axtesi leech'ool chi xsik'b'al li maatan re aatinak jo' propeet, ut meeram li aatinak sa' jalanil aatin.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Hechos 13:1

Sa' li Iklees li wank Antiokía wankeb' propeet ut aj tzoloneleb': laj Bernabé, laj Simehón, aj Niger nayeemank re, laj Lucio aj Sirene, laj Manahén li kik'iiresiik rik'in laj Herodes li awab'ej, ut laj Sawlo.

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

1 Corintios 11:4

Wi junaq winq natijok malaj na'aatinak jo' propeet chi lanlo li xjolom, naxk'ut xxutaan li xjolom.

1 Corintios 13:8

Li rahok maajoq'e na'oso'k. Taaraqe'q li maatan re aatinak jo' propeet, taaraqe'q li maatan re aatinak sa' jalanil aatin. Taawulaq xq'ehil naq ink'a' chik taak'anjelaq li maatan re xtawb'al ru chixjunil.

1 Corintios 14:4

Ani na'aatinak sa' jalanil aatin naxk'uub' xch'ool xjunes rib'; ut li na'aatinak jo' propeet naxk'uub' ru chixjunil li komonil.

1 Corintios 14:29

A'an ajwi' tento xb'aanunkil rik'ineb' li propeet: che'aatinaq wiib' oxib'aq ut eb' li junch'ol che'raqoq aatin chirix li xe'xye.

1 Corintios 15:51

K'ehomaq reetal! Ninye eere jun muqmuukil na'leb': moko chiqajunilo ta tookamq, ab'an chiqajunilo toojalano'q.