1 Corintios 12:8 - Q'eqchi Bible

⁸ Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;

Li Santil hu

⁸ Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

1 Corintios 12:8 ပူးပေါင်းရင်းမြစ်များ

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

2 Corintios 8:7

Laa'ex xo'numtaaq eerik'in chixjunil: leepaab'aal, leeraatin, leek'a'uxl, chixjunil li chaab'ilal jo'wi' li rahok li xqak'ut cheru. Jo'kan naq chinumtaaq ajwi' li chaab'il k'anjel a'in eerik'in.

1 Corintios 1:5

xb'aan naq rik'in A'an xexb'ihomob'resi rik'in chixjunil li xsimaatan, rik'in chixjunil li aatin ut chaab'il na'leb'.

Salmos 143:10

Chak'ut chiwu xpaab'ankil laawajom: relik chi yaal naq laa'at linYos. A' taxaq laachaab'il musiq' chib'eresinq we sa' tuqtuukil ru b'e.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Nehemías 9:20

Kak'e ajwi' laachaab'il musiq' re xtijb'aleb'; junelik kataqla chaq li maná re xch'oolaninkileb', ut kak'e ha' reheb' re naq ink'a' te'chaqiq re.

1 Corintios 13:8

Li rahok maajoq'e na'oso'k. Taaraqe'q li maatan re aatinak jo' propeet, taaraqe'q li maatan re aatinak sa' jalanil aatin. Taawulaq xq'ehil naq ink'a' chik taak'anjelaq li maatan re xtawb'al ru chixjunil.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

Éxodo 31:3

ut xinnujob'resi rik'in xmusiq' li Yos: xink'e xna'leb' ut xseeb'al xch'ool. Ch'olch'o chiru chixjunileb' li k'anjel,

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Hechos 6:3

Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

1 Corintios 2:11

Ani tab'i' sa' xyanqeb' li winq nanawok chi us li xch'ool li winq? Ma ink'a' ka'ajwi' li xmusiq' li winq li wank rik'in a'an? Jo'kan ajwi' maa'ani nanawok xchamal xk'a'uxl li Yos, ka'ajwi' li xMusiq' li Yos.

1 Corintios 2:16

Naxye li Santil Hu: “Ani xnawok ru xk'a'uxl li Qaawa'? Ani taaruhanq chi xk'eeb'al xna'leb' A'an?”. Ab'anan laa'o wank xk'a'uxl li Kriist qik'in.

1 Corintios 14:6

Ex was wiitz'in, qayehaq naq laa'in tinwulaq eerik'in, yooqin chi aatinak sa' jalanil aatin li ink'a' neketaw ru: k'a' raj ru teera chirix linwulajik, wi li waatin maak'a' tixk'utb'esi cheru, chi moko tixk'e eechaab'il k'a'uxl, chi moko tixnumsi xyehom li Yos malaj eetzolb'al?

1 Corintios 14:26

Ex was wiitz'in, a'an a'in li nawaj xyeeb'al eere: naq teech'utub' eerib', li junjunq truuq tixb'icha junaq saalm; truuq ajwi' taak'ehoq na'leb', tixye li k'aru xk'utb'esiik chiru, taa'aatinaq sa' jalanil aatin malaj tixch'olob' xyaalal eb' li aatin a'in. Ab'anan tento naq chixjunil taa'uxmanq re xkab'lankil li komonil.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

2 Corintios 2:14

B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

2 Corintios 6:6

Naqak'ut ajwi' a'an rik'in xsaqal ru li qach'ool, rik'in qachaab'il k'a'uxl, xnimal qakuyum, usilal, rik'in Santil Musiq'ej ut rik'in tz'aqal rahok,

2 Corintios 11:6

Us ta ink'a' ninnaw aatinak chi chaab'il, ab'an moko jo'kanin ta rik'in linna'leb'; ut a'in junelik xqak'ut cheru rik'in chixjunil ut sa' xyanqeb' chixjunil.