1 Corintios 12:3 - Q'eqchi Bible

³ Jo'kan naq nink'e chenaw naq maajun junaq li na'aatinak rik'in xMusiq' li Yos naru tixye: “Maa'usinb'ilaq taxaq li Jesus!”, ut maajun ajwi' naru tixye: “Li Jesus a'an li Qaawa'!”, wi ink'a' musiq'anb'il xb'aan li Santil Musiq'ej.

Li Santil hu

³ Joꞌcan nak nacuaj te̱nau nak li ani cuan li Santil Musikꞌej riqꞌuin, ma̱ jokꞌe tixmajecua li Jesús. Ut ma̱ ani ta̱ru̱k tixye chi anchal xchꞌo̱l nak li Jesús aꞌan li Ka̱cuaꞌ cui ma̱cꞌaꞌ li Santil Musikꞌej riqꞌuin.

1 Corintios 12:3 ပူးပေါင်းရင်းမြစ်များ

2 Corintios 3:5

Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

Romanos 10:9

Wi nakach'olob' rik'in xtz'uumal aawe naq li Jesus a'an li Qaawa' ut nakapaab' sa' laach'ool naq li Yos kiwaklesink re chi yo'yo sa' xyanqeb' li kamenaq, tatkole'q.

San Juan 13:13

Laa'ex, Tzolonel ut Qaawa' nekeye we, ut yaal nekeye xb'aan naq laa'in ajwi'.

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

San Mateo 22:43

Ut li Jesus kixye reheb': —Chan put ru naq laj David chi eek'asinb'il xb'aan li Musiq'ej kixye Qaawa' re? Xb'aan naq kixye chi jo'ka'in:

San Marcos 9:39

A'ut li Jesus kixye: —Meeram chiru, xb'aan naq maa'ani taab'aanunq junaq sachb'ach'oolej sa' ink'ab'a', ut moqon taa'ok chi xyeeb'al ink'a' us chiwix.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Deuteronomio 21:23

Ab'an maakanab' jun q'oqyinaq li xtib'el chiru li che'; taamuq b'an sa' ajwi' li kutan a'an, xb'aan naq junaq winq t'uyt'u, a'an majewanb'il xb'aan li Qaawa'. Chi jo'kan ink'a' taamux ru li ch'och' li tixk'e chaweechani li Qaawa' laaYos.

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.

Apocalipsis 1:10

Sa' xkutankil li Qaawa', kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we:

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

San Juan 13:14

Wi laa'in, li Qaawa' ut laj Tzolonel, xinch'aj leeroq, laa'ex ajwi' tento teech'aj leeroq cherib'il eerib'.

Salmos 109:20

Jo'ka'in nikine'xjit chiru li Qaawa' eb' li neke'yoob'ank xik' aj aatin chiwix.