1 Corintios 11:30 - Q'eqchi Bible

³⁰ A'in xyaalal naq wankeb' naab'al li yaj ut li lub'lub'eb' sa' eeyanq, ut xiikileb' ajwi' ak xe'kamk.

Li Santil hu

³⁰ Aꞌin ut xya̱lal nak nabal yajeb ut ma̱cꞌaꞌeb xmetzꞌe̱u saꞌ e̱ya̱nk ut cuanqueb ajcuiꞌ ac xeꞌcam.

1 Corintios 11:30 ပူးပေါင်းရင်းမြစ်များ

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Números 20:12

Ab'an li Qaawa' kixye re laj Moisés ut laj Aharón: “Laa'ex ink'a' k'ojk'o eech'ool chiwix ut ink'a' xek'e inloq'al chiruheb' laj Israel. Jo'kan naq ninye eere naq ink'a' tex'ok, eerochb'een li tenamit a'in, sa' li na'ajej li tink'e reheb'”, chan.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

Números 20:24

“Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

1 Corintios 15:51

K'ehomaq reetal! Ninye eere jun muqmuukil na'leb': moko chiqajunilo ta tookamq, ab'an chiqajunilo toojalano'q.

1 Corintios 11:32

Ut naq naraqmank aatin sa' qab'een xb'aan li Qaawa', nokootije'k xb'aan, re naq ink'a' took'ehe'q sa' tojb'amaak qochb'een li ruuchich'och'.

Hechos 13:36

Chek'e reetal, laj David chiru li xyu'am kik'anjelak jo' chanru li xnimal rajom li Yos, ab'an moqon kikamk, koxjunaji rib' rik'in li xna' xyuwa' ut kiq'aak li xch'och'el xsululel.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

1 Corintios 11:29

Xb'aan naq ani nawa'ak na'uk'ak chi ink'a' naxk'e xloq'al li xtz'ejwal li Qaawa', nawa'ak ut na'uk'ak cho'q re li xtojb'amaak.

1 Corintios 11:31

Wi ta naqeek'a qib' chiqajunjunqal, ink'a' raj tqak'ul li ra.