1 Corintios 1:9 - Q'eqchi Bible

⁹ Li Yos junelik naxk'e li naxyeechi'i, ut a'an ajwi' li xb'oqok chaq eere chi wank sa' junajil rik'in li Ralal, a' li Jesukriist li Qaawa'.

Li Santil hu

⁹ Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

1 Corintios 1:9 ပူးပေါင်းရင်းမြစ်များ

2 Ts 3:3

Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.

Hebreos 10:23

Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

2 Corintios 1:18

Naxnaw chi us li Yos naq li aatin naqaye eere maawa' xb'enwa “yaal” ut chirix a'an “ink'a'”.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

1 Juan 4:13

A'in naqanaw wi' naq wanko rik'in li Yos ut A'an qik'in: naq koxk'e chi tz'aqonk rik'in li xMusiq'.

Hebreos 11:11

Sa' xk'ab'a' ajwi' li xpaab'aal lix Sara, us ta ak xnume'k xq'ehil, kixk'ul xwankil re wank chi na'b'ejil, xb'aan naq naxnaw naq paab'ajel li kiyeechi'ink re.

Romanos 9:24

Jo'ka'in naq kooxb'oq chaq li Yos: moko ka'aj ta wi' sa' xyanqeb' laj Judiiy, sa' xyanqeb' aj b'an wi' li junch'ol chik.

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

2 Ts 2:14

A'in aj e naq xexb'oq rik'in li Chaab'il Esilal xqapuktesi, re naq textz'aqonq sa' li xnimal xloq'al li Qaawa' Jesukriist.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

Isaías 11:5

Tiqtooq junelik rik'in li yaal ut li tiikil ch'oolej.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Efesios 3:6

A'an a'in li muqmuukil na'leb': naq chixjunileb' li tenamit te'reechani li rosob'tesihom li Yos, junajeb' aj chik chi tz'ejwalej rik'ineb' laj Israel, wotz te'tz'aqonq sa' li xyeechi'om li Yos, sa' xk'ab'a' li Kristo Jesus.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

1 Corintios 10:16

Li osob'tesinb'il sek' nokooyoxink wi' ma maawa' tab'i' a'an li sumwank rik'in xkik'el li Kriist? Ut li wa naqajachi ma maawa' tab'i' a'an li sumwank rik'in xtz'ejwal li Kriist?

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Romanos 11:17

Wi wankeb' li ruq' ke'q'ete'k, ut laa'at li yal k'iche'il olivo kattz'ejwaliik sa' xyanqeb' li ruq' ut kat-ok chi tz'aqonk rik'in li xxe' ut li xya'al li tz'aqal olivo,

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

2 Timoteo 2:13

Wi ink'a' tiik qach'ool chirix, a'ut A'an junelik tiik xch'ool xb'aan naq ink'a' naru tixq'et rib'.