1 Corintios 1:18 - Q'eqchi Bible

¹⁸ Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Li Santil hu

¹⁸ Nak nequeꞌrabi resil lix camic li Cristo chiru li cruz, ma̱cꞌaꞌ na-oc cuiꞌ chiruheb li teꞌxic saꞌ xbalba. To̱ntil naꞌleb aꞌan chanqueb. Aban chiku la̱o li ac xocoleꞌ kꞌaxal lokꞌ aꞌan xban nak aꞌan xcuanquil li Dios.

1 Corintios 1:18 ပူးပေါင်းရင်းမြစ်များ

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

2 Ts 2:10

taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.

2 Corintios 4:3

Ut wi toj tz'aptz'o ru li Chaab'il Esilal naqapuktesi laa'o, tz'aptz'o ru cho'q reheb' li yookeb' chi sachk,

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

1 Corintios 2:2

xb'aan naq maak'a' xwaj xnawb'al sa' eeyanq, ka'ajwi' li Jesukriist, ut a'in k'eeb'il chiru krus.

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

2 Corintios 10:4

Li ch'iich' nokooyalok wi' moko re ta li ruuchich'och', a'an b'an xwankil li Yos re xjuk'b'al chixjunil li xk'anjel li maa'us. Chi jo'kan yooko chi xpo'b'al li b'alaq'il na'leb'

1 Corintios 15:2

Xb'aan ajwi' a'an kolb'ilex, wi nekek'uula sa' leech'ool jo' chanru xinpuktesi cheru. Wi ut ink'a', maak'a' rajb'al naq xex'ok chi paab'ank.

Hechos 17:32

Naq ke'rab'i chi aatinak chirix li xwaklijikeb' li kamenaq, wankeb' ke'ok chi xse'enkil laj Pablo; wankeb' chik ke'yehok: —Toj sa' jun sut chik tatqab'ihaq chi aatinak chirix a'an.

Hechos 17:18

Wankeb' ajwi' aj nahonel xninqal ru k'a'uxl, xkomoneb' laj Epikuro ut eb' laj Estoiko, ke'ok chi wech'ink rik'in. Wan ke'yehok: —K'a' anchal taaraj xyeeb'al laj b'ayol rib' a'an? Wankeb' wi' chik neke'yehok: —Mare a'an jun li na'aatinak chirixeb' jalanil yos. Ke'xye chi jo'kan xb'aan naq laj Pablo naxye resil li Jesus jo' ajwi' resil li xwaklijik wi' chik chi yo'yo.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

1 Corintios 4:10

Laa'o maak'a' qana'leb' sa' xk'ab'a' li Kriist, ut laa'ex wank eena'leb' rik'in li Kriist. Laa'o maak'a' qametz'ew, ut laa'ex kaw eerib'. Laa'ex nim eeloq'al, ut laa'o tz'eqtaananb'ilo.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.