1 Corintios 1:12 - Q'eqchi Bible

¹² Nawaj xyeeb'al naq wankeb' sa' eeyanq li neke'xye: “Laa'in rehin laj Pablo”; ut wank neke'xye: “Laa'in rehin laj Apolo”. Wankeb' ajwi' neke'yehok: “Laa'in rehin laj Sefas” malaj “Laa'in rehin li Kriist”.

Li Santil hu

¹² ¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

1 Corintios 1:12 ပူးပေါင်းရင်းမြစ်များ

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

Gálatas 3:17

A'in laa'in ninye: li testameent k'uub'k'u chi chaab'il xb'aan li Yos ink'a' naru taasache'q xwankil xb'aan li Chaq'rab' k'eeb'il lajeeb' xka'k'aal xkab' o'q'ob' (430) chihab' moqon; ut ink'a' naru taakanaaq chi maak'a' rajb'al li xyeechi'om li Yos.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

2 Corintios 9:6

K'ehomaq reetal: li ani b'a'b'ay ajwi' naraw, b'a'b'ay ajwi' tixq'ol; ut ani na'awk chi yo'oon, yo'oon ajwi' tixq'ol.

1 Corintios 16:12

Naab'al sut xwelaji ru laj Apolo, li wiitz'in, re taaxik eerik'in rochb'eeneb' laj paab'anel; ab'an maak'a' xch'ool chi xik anaqwan. Jo'q'e tana tixk'e rib' chiru, toja' naq taaxik.

1 Corintios 15:50

Ex was wiitz'in, a'an a'in li nawaj xyeeb'al eere: li tib'elej ut li kik'elej ink'a' naru te'reechani li xnimajwal wankilal li choxa; chi moko li k'a'aq re ru li taaq'aaq, taareechani li ink'a' nalajk na'oso'k.

1 Corintios 15:5

kixk'ut rib' chiru laj Sefas ut moqon chik chiruheb' li Kab'laju.

1 Corintios 9:5

Ma ink'a' raj truuq tqak'am chiqix junaq ixq aj paab'anel, kama' neke'xb'aanu eb' li apóstol junch'ol, jo'wi' eb' li riitz'in li Qaawa' ut laj Sefas?

1 Corintios 7:29

A'in li ninye eere, ex was wiitz'in: ak yo chi nume'k li honal. Jo'kan utan, eb' li wankeb' rixaqil che'wanq jo' maak'a' rixaqileb'.

1 Corintios 4:6

Ex was wiitz'in, chixjunil li xinye, chirix laj Apolo ut chiwix re eetenq'ankil naq xinye, re naq teetzol eerib' qik'in chirix xyaalal li aatin a'in: “Meeq'ax ru li ak tz'iib'anb'il”. Maa'ani chixnimob'resi rib' chirix junaq ut tixtz'eqtaana li jun chik,

Hechos 18:24

Kiwulak aran Éfeso jun aj judiiy, aj Apolo xk'ab'a', yo'lajenaq Alejandría, chaab'il na'aatinak ut naxnaw chi us xsa' li Santil Hu.

San Mateo 23:8

“A'ut laa'ex mixk'ul eech'ool xk'ab'a'inkil aj tzolonel, xb'aan naq jun ajwi' laj Tzolol eere ut chejunilex laa'ex eeriitz'in eerib'.

Hechos 19:1

Naq laj Apolo toj wan chaq Korinto, laj Pablo kinume'k sa'eb' li na'ajej wankeb' chi tzuul, ut kiwulak Éfeso. Wankeb' aj paab'anel kixtaweb' aran, ut kixpatz' reheb':

1 Corintios 1:11

Xb'aan naq xwab'i resil rik'in xkomoneb' lix Kloe naq wank wech'ij ib' sa' eeyanq, ex was wiitz'in.

2 Corintios 10:7

K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.

1 Reyes 16:21

Toja' naq eb' laj Israel ke'xjek' rib' sa' wiib' ch'uut: jun ch'uut koho chirix laj Tibní, ralal laj Kinat, re xxaqab'ankil cho'q awab'ej, ut li jun ch'uut chik koheb' chirix laj Omrí.