1 Corintios 1:10 - Q'eqchi Bible

¹⁰ Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

Li Santil hu

¹⁰ Ex inherma̱n, saꞌ xcꞌabaꞌ li Ka̱cuaꞌ Jesucristo nintzꞌa̱ma che̱ru nak junajak le̱ naꞌleb. Ma̱cꞌaꞌak li jachoc ib saꞌ e̱ya̱nk. Junajak ban le̱ cꞌaꞌux ut junajak le̱ chꞌo̱l.

1 Corintios 1:10 ပူးပေါင်းရင်းမြစ်များ

1 Corintios 12:25

re naq maak'a'aq jachok ib' sa' li tz'ejwalej, chixjunileb' b'an li cha'alej te'xtenq'a rib' chirib'ileb' rib'.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Salmos 133:1

B'ich re li taqsink. Xsaalm laj David. K'ehomaq reetal: k'ajo' xloq'al, makach'in xch'ina'usal naq wankeb' laj paab'anel sa' junajil!

1 Corintios 11:18

Li xb'een ninye eere a'an a'in: xwab'i resil naq wank jachok ib' sa' eeyanq naq nekech'utub' eerib' sa' leeloq'laj ch'utam. Laa'in nink'oxla naq yaal ajwi' b'ayaq chixjunil a'in.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

Romanos 16:17

Nintz'aama cheru, ex was wiitz'in, naq chekolaq eerib' chiruheb' li neke'yoob'ank jachok ib' ut luktesink ch'oolej xb'aan xxik'b'al rilb'al leetzolb'al eek'ulum chaq. Meejunaji eerib' rik'ineb',

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

1 Corintios 4:16

Nintz'aama b'i' cheru naq chek'amaq eere wik'in.

Hechos 4:32

Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

1 Ts 5:13

Ka'loq' oxloq' cherileb'; cherahaqeb' sa' xk'ab'a' li xk'anjeleb'. Chexwanq sa' tuqtuukil usilal cherib'il eerib'.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

San Juan 10:19

Naq ke'rab'i li aatin a'in, kiwank wi' chik jachok ib' sa' xyanqeb' laj Judiiy.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

2 Timoteo 4:1

Chiru li Yos ut li Kristo Jesus li taaraqoq aatin sa' xb'eeneb' li yo'yookeb' ut kamenaqeb', nintz'aama ut nawelaji chawu sa' xk'ab'a' li xk'utb'esinkil rib' ut sa' xk'ab'a' li xnimajwal awab'ejihom:

Filipenses 3:16

Ab'anan toj b'arwi' xoowulak, xikaqo chi tiik chi uub'ej.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

San Juan 7:43

Jo'kan naq kichalk jun jachok ib' sa' xyanqeb' li tenamit sa' xk'ab'a' li Jesus.

San Marcos 2:21

“Maajun nab'ojok junaq ak' xiitil chiru li q'eel t'ikr. Wi ta jo'kan, li ak' xiitil tixq'uy li q'eel t'ikr ut taanimanq li xq'ichilal.

San Mateo 9:16

“Maajun nak'ehok junaq ak' xiitil chiru li q'eel t'ikr, xb'aan naq li ak' xiitil tixq'uy li aq'ej ut taanimanq li xq'ichilal.

1 Timoteo 5:21

Nintz'aama chawu sa' xk'ab'a' li Yos, sa' xk'ab'a' li Kristo Jesus ut eb' li ánjel sik'b'ileb' ru, naq taapaab' chixjunil a'in sa' tiikilal, chi ink'a' tiitooq ru anihaq aab'aan.

2 Ts 2:1

Ex qas qiitz'in, chirix li xk'ulunik li Qaawa' Jesukriist ut li xch'utub'ankil qib' rik'in, naqatz'aama cheru

Gálatas 4:12

Ex was wiitz'in, nintz'aama cheru naq jo'kaqex laa'in, xb'aan naq laa'in xinb'aanu wib' kama' laa'ex. Maak'a' junaq rahilal xeb'aanu we.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

Romanos 15:30

Ex was wiitz'in, nintz'aama cheru, sa' xk'ab'a' li Qaawa' Jesukriist ut sa' xk'ab'a' li xrahom li Santil Musiq'ej, naq chextijoq chiwix chiru li Yos ut chineetenq'a sa' li loq'laj yalok,

San Juan 9:16

Wankeb' aj Pariseey ke'yehok: —Li winq a'in moko rik'in ta li Yos nachalk xb'aan naq ink'a' naxk'e xloq'al li sábado. Wankeb' chik ke'yehok: —Chanru naq tixb'aanu li xninqal eetalil a'in junaq winq aj maak? Ut kiwank jachok ib' sa' xyanqeb'.

Romanos 1:13

Nawaj teenaw, ex was wiitz'in, naq k'iila sut xink'oxla xik eerik'in re naq tink'ul raj junaq ru link'anjel sa' eeyanq, kama' xink'ul chaq sa' xyanqeb' li tenamit junch'ol. Ab'anan toj anaqwan ramro chiwu.

1 Corintios 1:11

Xb'aan naq xwab'i resil rik'in xkomoneb' lix Kloe naq wank wech'ij ib' sa' eeyanq, ex was wiitz'in.

1 Corintios 3:3

xb'aan naq toj q'un leech'ool chi paab'ank. Naq toj wanq sa' eeyanq li kaqalik ut li wech'ij ib', ma ink'a' tab'i' yaal naq toj nekexk'oxlak ut nekexk'anjelak jo'kex li winq junch'ol?

2 Corintios 13:9

ut nasaho'k qach'ool naq laa'o maak'a' qametz'ew ut laa'ex kaw eerib'. A'an a'in li naqatz'aama chiru li Yos: naq tz'aqalaq re ru leepaab'aal.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

San Marcos 3:24

Wi junaq tenamit jachjooq chirib'il rib', ink'a' truuq taakanaaq chi xaqxo li tenamit a'an.